тери
билан улашинг
1. 1 Одам ва ҳайвон танасининг ташқи қоплами, тана аъзоларини ташқи таъсирлардан ҳимоя қилувчи ва турли физиологик вазифаларни бажарадиган пўсти.
-
Тери касалликлари. Қуённинг терисини шилмоқ.
-
Тортқилаганда, улоқнинг териси айрилиб кетмайди. Бўлмаса, торт-тортда улоқ бутун қоладими! Т. Мурод, От кишнаган оқшом
2. Молнинг, ҳайвоннинг шилиб олинган пўсти.
-
Шу ерда ишлайдиган одамлардан бири, йўқчилик важидан, бир куни бола-чақаси билан отнинг терисидан шўрва қилиб ичибди. А. Қаҳҳор, Миллатчилар
-
Хон бориб, арслон терисига ўтирди, Арслонбекни ўзининг ўнг томонига олди. А. Қодирий, Меҳробдан чаён
3. Мол пўстидан махсус ишлов бериб тайёрланган материал; чарм, кўн.
-
[Шокир ота] Терига сув пуркайди ва кўва билан дўқ-дўқ уриб, чармни текислайди. Ойбек, Танланган асарлар
-
Уйда бир оз тери бор. Аммо тагчарм йўқ. Ойбек, Танланган асарлар
4. кам қўлл. Пўст, пўчоқ.
-
Териси қалин қовун.
-
Боғдаги анорлар терисига сиғмай, тарс-тарс ёрилади. Ё. Шукуров, Уч савол
тери сўзи қатнашган жумлалар:
Бир терининг ичида қўй неча озиб, неча марта семиради
-
— Бир терининг ичида қўй неча озиб, неча марта семиради, — деди салмоқлаб бой, — кишининг бошига ёмон кунлар ҳам тушиши мумкин. Ойбек, Танланган асарлар
Териси юпқа
-
Ҳимм, териси юпқа аёл эмасми, шу гап баҳо-на бўлибди-ю, Мени бўшатиб, қолоқ бригадага юборасизлар, деб туриб олибди. Н. Сафаров, Катта карвон йўлда
Териси қалин
-
Териси қалин кассир эса: — Эпласанг сен ҳам қил, — деб бўзрайиб тураверди. Муштум
Терисига сиғмаслик
-
Элчибек бу хабардан терисига сиғмай кетди. Ҳар ҳолда, дастлабки ғалаба. А. Мухтор, Тугилиш
-
Қувонч билан қўл бериб сўрашди. Теримга сиғмай кетдим. Ойдин, Ҳикоялар
Терисига (ёки терисини шилиб) сомон тиқмоқ
-
Яхшики, бояги гапларингизни ўғлим эшитмади, йўқса, терингизга сомон тиққан бўлар эди М. Осим, Аждодларимиз қиссаси
-
Менга дўпписи эмас, ўзи керак. Ўзини тириклай тутиб кел! Терисини шилиб, сомон тиқмагунимча хумордан чиқмайман. Н. Сафаров, Кўрган-кечирганларим
Терисини шилмоқ (ёки шилиб олмоқ)
-
Унинг [Мусулмонқулнинг] ўз кайфича ойда эмас, ҳафтада солиб турган солиқлари фуқаронинг терисини шилса остириб, кестириб туриши хосни ҳам эсанкиратди. А. Қодирий, Ўтган кунлар
Хамирни юпқа ёйиб, учбурчак, тўртбурчак шаклида кесиб, ёғда пишириладиган таом.
ТЕРИ сўзининг синонимларини Sinonim.uz сайтида қидириб кўринг.
TERI сўзининг лотинча ёзилиши Lotin.uz сайти томонидан тақдим қилинган.
тери сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
