тўқ
билан улашинг
1. Овқатга бўлган талабини, нафсини қондириб, тўйиб овқатланган, овқат еб олган.
-
Тўқ бола. Тўқ моллар. Қорни тўқнинг қорни очдан хабари йўқ. Мақол
-
Таомни тугатиб, қизлар тўқ ва шод, қўшниларникига, дугоналариникига копток ўй-нагани чиқиб кетдилар. Ойбек, Нур қидириб
2. Ҳеч нарсадан муҳтожлиги йўқ, егулик-ичгулик билан яхши таъминланган.
-
Тўқ хўжалик.
-
Гўрўғли ўзбек-туркман элини боқиб, очига нон бериб, тўқидан закот олиб ёта берди. Нурали
-
Турмуш оғир, қимматчилик, ҳаммаси ўзингизга маълум. Тўқларнинг иши йўқ, дардимиз кўп. Ойбек, Болалик
3. Мағзи, ҳосили етарли бўлган; тўлиқ, бўлиқ, бўлали.
-
Тўқ ёнғоқ. Тўқ пилла.
-
Кўраги мўл, толаси пишиқ, чигити тўқ бўлсин десанг, шундай [барвақт ҳаракат] қил. Н. Сафаров, Соҳиб чангал
-
Дон етилиши кечикди, дон тўқ бўлмади. Ўзбекистон қўриқлари
4. кўчма Керакли нарса, моддалар билан тўйинган; бақувват, кучли.
-
Ер жуда тўқ, шу шарбатни ҳазм қилсаям ҳали Ойбек, Олтин водийдан шабадалар
5. Қорага ёки умуман қуюқ рангга мойил, қуюқ (ранг, тус ҳақида).
-
Тўқ ранг. Тўқ қизил духоба.
-
Осмон тўқ сариқ булут билан қопланган эди. Ш. Рашидов, Бўрондан кучли
-
Энди кўрсам милтиқнинг ўқидек, пушти гулнинг тўқидек келиним бор экан. А. Қодирий, Ўтган кунлар
тўқ сўзи қатнашган жумлалар:
Тўқ тутадиган
-
Одамни тўқ тутадиган хушбўй ва ширин Тошкент совғаларини маза қилиб едик. М. Муҳамедов, Қаҳрамон изидан
Кўзи тўқ
-
Худога шукур, оч бўлсак ҳам, кўзимиз тўқ. Н. Сафаров, Наврўз
Кўнгли тўқ
-
куёв йигит тўғрисида ҳам Нурининг кўнгли тўқ эди. Ойбек, Танланган асарлар
-
Қорни тўқ одамнинг кўнгли тўқ бўлади С. Сиёев, Ёруғлик
(Мендан) қорнингиз тўқ экан
-
Мен ҳам худди шуни айтай деб турган эдим, мендан қорнингиз тўқ экан.
ТЎҚ сўзининг синонимларини Sinonim.uz сайтида қидириб кўринг.
TO‘Q сўзининг лотинча ёзилиши Lotin.uz сайти томонидан тақдим қилинган.
тўқ сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
