туғ
билан улашинг
1. Бўйида, қорнида бўлган болани, ой-куни етгач, дунёга келтирмоқ.
-
Уст-устига эгизак туғмоқ. Хотини ўн йил мобайнида икки қиз, бир ўғил туғди.
-
Ғанижоннинг хотини туғмай юриб-юриб, бирданига қўчқордай ўғил туғиб берди. А. Қаҳҳор, Асарлар
-
Гулсумбиби қизини нари итарди пешонасига уриб йиғлади: — Кошки ўлсам! Кошки ажал кела қолса! Куйдирдинг, нега туғдим сени? Ойбек, Танланган асарлар
2. Болаламоқ (ҳайвонлар ҳақида).
-
Сигир иккита туғибди. Қўй туғибди.
-
Оқпошшонинг овчи итларидан яна биттаси туғибди — суюнчи йиғилади. М. Исмоилий, Фарғона тонг отгунча
3. шева Тухум қилмоқ.
-
Тавба, товуқдан аҳмоқ жонивор йўқ — мояк қўйсанг, туғади. А. Қаҳҳор, Асарлар
4. кўчма с. т. Фойда келтирмоқ; кўпаймоқ.
-
Вой нодон одамлар! Билишмайдики, пул болалаб туради, индамасдан туғади, чақалоқлари инғаламайди. Ойбек, Танланган асарлар
туғ сўзи қатнашган жумлалар:
Иккитани (ёки тўрттани) туғмоқ
-
Сен келгунча, тўрттани туғдим.
Кун(и) туғди
-
Қор ёғиб, чанғичиларнинг куни туғди.
-
Ёз ҳам ўтди, куз ҳам келди, қишлоқ чорбозорчиларининг куни туғди. С. Абдулла, Мавлавий Мирсидиқнинг ижодлари
Ой туғди
-
Ой туғиб, мўлжал яқин етди. А. Қодирий, Ўтган кунлар
-
Қибла бетдан бир ой туғиб келади, Ойнинг гирдин тўртта юлдуз олади. Алпомиш
ТУҒ сўзининг синонимларини Sinonim.uz сайтида қидириб кўринг.
TUG‘ сўзининг лотинча ёзилиши Lotin.uz сайти томонидан тақдим қилинган.
туғ сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
