тузук
билан улашинг
1. Бузилган-нетган ери йўқ, ишлаб турган ёки ишлай оладиган.
-
Телевизор тузукми, бузуқми? Мотор тузук ишлаб турибди.
2. Камчилиги, ёмон ери йўқ; дуруст, яхши; бинойи.
-
Тузук йигит. Бу иш тузук ташкил қилинмабди.
-
Ўзи тузук шоир, бироқ танқидни кўтармагани ёмон. А. Қаҳҳор, Сароб
-
Кенжа йигит қишлоқда Тура олди бир ойча, Турмуш тузук бўлса-да, Аммо бахти узоқда. З. Диёр
3. Дард-касали йўқ, соғ, соғлом; соғлиғи қаноатланарли.
-
Ота, тузукмисиз? Тузук бўлиб кетдингизми?
-
Хайрият, онангизнинг аҳволи анча тузук бўлиб қолди, иситмаси ҳам қайтди. М. Исмоилий, Фарғона тонг отгунча
-
Дадаси, энди тузукман, қизимни саҳарлари уйғотманг. А. Қаҳҳор, Бемор
4. равиш Қоидаси билан, дурустгина, яхшилаб.
-
Тузукроқ, мазмунлироқ гапирсангиз-чи. Тузукроқ ўтиринг.
-
Хаёлингиз қаерда, нима сўзлаяпсиз, ойи? Тузуккина гапиринг! Ойбек, Танланган асарлар
5. тасдиқ юкл. Яхши. хўп, майли, маъқул.
-
— Эртага китобни ола кел, тузукми? - Тузук, олиб келаман
-
— Сиз киргандан кейин мен эшикни устингиздан ёпиб оламан-да, бир оздан сўнг олдингизга келиннинг ёлғиз ўзини киргизаман, тузукми? — Тузук. А. Қодирий, Ўтган кунлар
тар. ҳуқ. Қонун-қоидалар тўплами; низом.
-
Амир Темур тузуклари.
ТУЗУК сўзининг синонимларини Sinonim.uz сайтида қидириб кўринг.
TUZUK сўзининг лотинча ёзилиши Lotin.uz сайти томонидан тақдим қилинган.
тузук сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар