Izoh.uz сайтида улоқ сўзининг изоҳи ва маънолари

улоқ

Сўзни дўстлар
билан улашинг

от

улоқ (I)
улоқ (II)

1. 1 от Уланадиган нарса.

Улоқ солмоқ. Арқоннинг улоғини олиб ташламоқ.
Йиртиғингизга ямоқ, узуғингизга улоқ тегмай юрардингиз, — деди Нафиса эрига. Шуҳрат, Жаннат қидирганлар

2. сифатдош Турли йўл билан (боғлаш, тикиш, елимлаш, кавшарлаш, михлаш ва шу кабилар билан) ўзаро туташтириб, маҳкамлаб бириктириб қўйилган, уланган бир неча бўлакдан иборат, яхлит эмас.

Улоқ арқон. Улоқ дастурхон. Улоқ сим. Улоқ тунука.
Бой бобомнинг қизлари, Сочи улоққа ўхшайди. Оқ олма, қизил олма

3. от Нарсанинг бўлаклари ўзаро уланганда ҳосил бўлган тугуни ёки чоки, уланган жойи.

Арқоннинг улоғи. Парданинг улоғи. Электр симининг улоғи. Тунуканинг улоғи.

1. Эчки боласи.

Ҳозир юзлаб майин жунли қўзи ва улоққа эгамиз. С. Анорбоев, Оқсой
Кўз олдимга кўм-кўк ўтлоқлар ўтлаб юрган жажжи улоқлар, барра қўзичоқлар келади. Н. Фозилов, Қуш қаноти билан

2. Ҳар бир отлиқ ўртага сўйиб ташланган улоқни (одатда эчки ёки кичикроқ бузоқни) бир-биридан куч билан тортиб олиб, тезроқ маррага элтиб ташлаш учун курашишдан иборат миллий спорт ўйини; кўпкари.

От боққанинг — улоққа, Қўй боққанинг — қўноққа. Мақол
Улоқда отдан йиқилиб боши ёрилган, қўл-оёғи синган чавандозлар инқиллашиб ётмоқда. М. Муҳаммаджонов, Турмуш уринишлари
Ҳимматнинг звеносидаги йигитларнинг иккитаси фронт кўрган қолганлари улоқларда соврин олган йигитлар эдилар. М. Муҳамедов, Қаҳрамон изидан

3. Шундай спорт мусобақасида ўртага тикилган — сўйиб ташланган эчки ёки бузоқ.

[Қамбар:] Улоқ олиш учун чавандоз бўлиш керак, укам Обиджон. Ойбек, Танланган асарлар
Ана, бир отлиқ бошсиз улоқни тақимига босиб, тўйхонадан чиқди. Т. Мурод, Юлдузлар мангу ёнади

улоқ сўзи қатнашган жумлалар:

Улоқ бермоқ

1. Улоқда чопиладиган, ўртадан олиб, маррага етказиб ташланадиган эчки, бузоқ кабини бермоқ.

Ҳар кун икки юз қозон ош дамланар икки юзлаб улоқ берилар, мамлакатдан тўйга келувчи аъёнга ҳар кун минглаб тўн кийдирилар эди. А. Қодирий, Меҳробдан чаён

2. Улоқ ўйинини ташкил қилмоқ, ўтказмоқ.

Улоқ берган киши соврин ҳам беради-да. М. Исмоилий, Фарғона тонг отгунча
Рухсатсиз улоқ берган кишига жарима солинур. Муштум

Улоқ чопмоқ

Улоқ ўйинида қатнашмоқ.

Дадам Маҳкамнинг бобосининг улоқ чопишини гапираверса, киши ҳайрон қолади. А. Қодирий, Улоқда

Улоқ қилмоқ

Биридан бири олиб, олиб қочиб ўйин қилмоқ, улоқ каби ўйин қилмоқ.

Тағин эҳтиёт бўл, қўрбошилар ўғирлаб кетиб, улоқ қилмасин. Ойдин, Ҳикоялар

Улоқни олмоқ

Улоқда, умуман, мусобақада ғолиб чиқмоқ, ғалаба қилмоқ.

Бу сафар улоқни меҳмонлар олишди.
Андижон, Сурхондарё улоқни олиб, Хоразм, Қашқадарё қувлашиб бориб А. Пўлат, Тасаддуқ

УЛОҚ сўзининг синонимларини Sinonim.uz сайтида қидириб кўринг.

ULOQ сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

1203

Сўзнинг тескари ёзилиши

қолу

Ҳарфлар сони

Кўришлар сони

805

улоқ сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

Минорайи Калон абзал абр ачинарли абсцисса аборт аббревиатура Марс аччиқлантир

улоқ сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, улоқ сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар