енгиллик
билан улашинг
1. Енгил эканлик.
-
Юкнинг енгиллиги. Овқатнинг енгиллиги. Масаланинг енгиллиги.
2. Эркин, енгил ҳолат, шароит.
-
— Подшоҳларнинг тез-тез ўлиб тургани маъқул, бу эса фуқарога бир қадар енгиллик келтиради, — дерди Меъмор. Мирмуҳсин, Меъмор
3. Руҳиятдаги ёқимли ҳолат, хуш кайфият.
-
Одамнинг руҳида шу қадар енгиллик пайдо бўладики, қанот чиқазиб, олис уфқларга учиб кетгинг келади. Ў. Ҳошимов, Нур борки, соя бор
-
Поезд қўзғалгандан кейин, Замира ажойиб бир енгиллик ҳис қилди. П. Қодиров, Уч илдиз
4. кўчма Оқибатини ўйламай қилинган ҳаракат, енгилтаклик.
-
Уйини ташлаб кетиб, енгиллик қилиб қўйдими-а! С. Зуннунова, Гулхан
-
Мирзакаримбойнинг қизи Нурини-сонинг табиатида енгиллик билан макр устун турар эди. Ойбек, Танланган асарлар
-
Хотинингиз енгиллик қилаётган бўлса, сиз оғирлик қилинг. С. Аҳмад, Уфқ
5. айнан Имтиёз.
-
У хизматда ҳам ўзига заррача енгиллик талаб қилмади. Ш. Рашидов, Қудратли тўлқин
ЕНГИЛЛИК сўзининг синонимларини Sinonim.uz сайтида қидириб кўринг.
YENGILLIK сўзининг лотинча ёзилиши Lotin.uz сайти томонидан тақдим қилинган.
енгиллик сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
