енгил-елпи

1. Вазни унча оғир эмас, енгил.

1. Болалар орасида Остар билан Сарсенбой ҳам енгил-елпи нарсаларни ташишда ёрдамлашишмоқда. Р. Файзий, Сен етим эмассан

2. Унчалик куч, машаққат талаб қилмайдиган.

1. Ҳамма оғир ишларни барака топгур йигитларнинг ўзлари қилишарди, биз, чолларга эса енгил-елписи қоларди. В. Тофуров, Вафодор

3. Жиддий, расмона эмас, енгил.

1. Директор билан администраторга яна енгил-елпи чора кўрилган бўлди. Муштум

2. Уч аёл енгил-елпи нонушта қилиб олишди. Ҳ. Ғулом, Машъал

4. кўчма Жиддий тарзда эмас; юзаки.

1. Халқ ишига енгил-елпи қарашга, ҳавойи ваъдалар билан кўз бўяшга тоқат қилолмаймиз. Ш. Рашидов, Бўрондан кучли

2. Ҳаётга енгил-елпи қарашади, деган ақидада юрарди. С. Нуров, Нарвон