юмалоқ
билан улашинг
1. Шар шаклига ўхшаш, шунга яқин шаклли; думалоқ.
-
Юмалоқ ёнғоқ. Юмалоқ қанд. Юмалоқ тарвуз.
-
Ундан [эшикдан] ёш боланинг, сочлари типратикан игналаридай юмалоқ боши кўринди. С. Анорбоев, Оқсой
2. Юмалоқланган нарса; думалоқ нарса; шар. Қор юмалоғи.
-
[Болалар] Қордан кичкина юмалоқ ясаб, думалатиб-думалатиб, ўз бўйларидан баланд, катта курра ясаганлар. Ойбек, Танланган асарлар
3. Доира, тўгарак шаклидаги.
-
Юмалоқ стол. Юмалоқ майдон.
-
Ойсулув шошиб бориб, токчадан юмалоқ ойнани олди. С. Анорбоев, Оқсой
4. Жуда семиз, бақалоқ, гирдиғум (одам ҳақида).
-
Йўлчи ўзидан бир неча қадам нари-да хўмрайиб, ҳаммага разм солган шоп мўй-лов, юмалоқ сариқ полиция бошлиғини кўриб қолди. Ойбек, Танланган асарлар
-
Паст бўйли, япалоқ юзли, ғўладек юмалоқ Бозоровнинг лапанглаб югуриши Норматнинг кўзига узоқдан гўё тўнгак думалагандек бўлиб кўринди. И. Раҳим, Чин муҳаббат
5. Ўлчов билдирувчи (нумератив) сўз вазифасида; дона, пачка.
-
Бир юмалоқ печене. Уч юмалоқ чой.
-
Бўлмаса, бир юмалоқ қанд билан бир пиёла чой олиб чиқинг. А. Қаҳҳор, Сароб
-
Ҳаёт ерга қараб ўтирган эди, секин юзини кўтарди, кўзларидан икки юмалоқ гавҳар қулади. М. Исмоилий, Фарғона тонг отгунча
юмалоқ сўзи қатнашган жумлалар:
Юмалоқ хат
-
Юмалоқ хат ёзишни касб этган туҳматчи иғвогарларнинг касби кармон-кесар киссавурлардан ҳам тубандир. Р. Усмонов, Одобнома
ЮМАЛОҚ сўзининг синонимларини Sinonim.uz сайтида қидириб кўринг.
YUMALOQ сўзининг лотинча ёзилиши Lotin.uz сайти томонидан тақдим қилинган.
юмалоқ сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар