забун
билан улашинг
1. Кучсиз, нимжон, заиф.
-
Ҳатто эрта-кеч танчанинг бир томонини банд этишдан ўзга ишга ярамаган забун кампирлар ҳам бу хонтахлит тўйни томоша қилишдан ўзларини тия олмадилар. Ойбек, Танланган асарлар
2. Ночор, иложсиз.
-
Мардликни севган, мағрур йигит ўзини ожиз, забун, ихтиёрсиз сезди. Ойбек, Қуёш қораймас
3. Мушкул, оғир, танг.
-
Золимлар қўлида забундир ҳолим, Бемаҳал етишди, қайтайин, ўлим. Баҳром ва Гуландом
4. Хор, эзилган.
-
Ўтмишда забун ва мазлум аҳволда бўлган ўзбек хотин-қизлари жамиятимизда ҳамма билан тенг қатор-да муносиб ўрин эгаллаганлиги қувончли бир ҳолдир. Газетадан
-
Аваз кўпдан бери бу ваҳший удумни ўйлаб изтироб чекар, бу забун, меҳнаткаш тўда хусусида бир шеър ёзишни мўлжаллаб қўйган эди. С. Сиёев, Ёруғлик
забун сўзи қатнашган жумлалар:
Забун бўлмоқ
-
Хоразмийларнинг сон жиҳатдан кам бўлмаса-да, рақибидан хийла заиф, тажрибасиз қўшини, сафлари сийраклаша бориб, ниҳоят забун бўлди. С. Кароматов, Сўнгги бархан
-
Турган гап: у киши амирликнинг забун бўлиб кетишига қарши. Ш. Холмирзаев, Қил кўприк;
-
Мен уни кўрмасам, йўқдир қарорим, Тура берсам, забун бўлар аҳволим. Баҳром ва Гуландом
-
Суянган кишиларимиз бирин-кетин қўлга тушаётир, энди ҳолимиз забун бўлади. Ж. Шарипов, Хоразм
ЗАБУН сўзининг синонимларини Sinonim.uz сайтида қидириб кўринг.
ZABUN сўзининг лотинча ёзилиши Lotin.uz сайти томонидан тақдим қилинган.
забун сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
