зулм
билан улашинг
1. Ҳукмдор ва ҳокимларнинг фуқарога, золимларнинг мазлумларга кўрсатган жабри; шафқатсизлик, истибдод.
-
Зулм зиндондан ёмон. Мақол
-
Аҳоли ғалаёнга келди, қўрққанидан эмас, зулмга, зўрликка, ҳақиқатсизликка чидамаганидан ғалаёнга келди. М. Исмоилий, Фарғона тонг отгунча
-
Ҳамма ўз билганича қичқиради, зулмдан, жабрдан шикоят қилади. Ойбек, Танланган асарлар
2. Умуман, жабр-ситам, эзиш; адолатсизлик.
-
Кундошлик зулми. Зулм қилмоқ (ўтказмоқ).
-
Биров зулм қилса, биров раҳм қиларкан; биров ош берса, биров нон бераркан. Ойдин, Қандолатнинг ҳикояси
-
Маъшуқ аҳлига ярашмас доимо зулм-у жафо. Ҳамза
-
Одамларга ўтказган зулми учун Олахўжа халқ олдида жавоб бермай ҳеч қаёққа кетмайди. П. Турсун, Ўқитувчи
зулм сўзи қатнашган жумлалар:
Зулм кўрмоқ (ёки тортмоқ, чекмоқ)
-
Аёллар ўтмишда ҳаммадан кўп зулм кўрган, ҳаммадан кўп жаҳолатда қолган. П. Турсун, Ўқитувчи
ЗУЛМ сўзининг синонимларини Sinonim.uz сайтида қидириб кўринг.
ZULM сўзининг лотинча ёзилиши Lotin.uz сайти томонидан тақдим қилинган.
зулм сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
