burma

1. sifatdosh Burib-burib ishlangan, burmalab tikilgan; burmali.

1. Burma yubka. Koʻkrak burma koʻylak.

2. Erta bilan suyanaman daraxtga, Burma koʻylak yarashadi bilakka. Qoʻshiqlar

3. Sochlaring sumbuldir, popuging burma. Gulshanbogʻ

4. Otingning qamchisi burmadan burma. Qoʻshiqlar

2. ot Shu xildagi kiyimning, narsaning burilgan, burmalangan joyi.

1. Koʻylakning burmasi.

2. Ayiqday qoʻpol, tepakal direktor loqayd diplom varaqlaydi-yu, koʻylagining burmasidan koʻz uzmasdi. Yoshlik

3. Koʻylak burmalarini turtib turgan koʻkraklari qisqa-qisqa nafas olganidan tinmay qalqirdi. S. Ahmad, Ufq

3. Burab ishlatiladigan, burab ochadigan.

1. Osmonga qarasam parcha bulutlar, Parchaning ichinda burma kalidlar. Qoʻshiqlar

4. ot. geol. Yer qobigʻining qatlangan joyi.