chuchmal

1. Tuzi yoki shirasi meʼyoridan kam, maza-matrasi yoʻq; badxoʻr, totsiz, bemaza.

1. Chuchmal ovqat.

2. [Nusratbek] Amuning qizgʻish-loyqa suvini eslatuvchi chuchmal qahvadan totib koʻrdi-yu, ichmadi. S. Nurov, Maysalarni ayoz urmaydi

2. koʻchma salb. Tayinli bir maʼnosi yoʻq; betayin, noaniq, dudmol.

1. Chuchmal javob. Chuchmal gap.

2. — Shuning uchun yer yuzida chuchmal odam koʻp-da, — dedi yigit barmoqlarini asabiy oʻynatib. X. Sultonov, Bir oqshom ertagi

3. Ruxsat aylang, o buyuk zot, tiz choʻkay sizga, Har xil chuchmal tavozedan yiroqman garchand. A. Oripov, Yillar armoni

4. Dastyor yigit chuchmalgina ishshayib, aravasini shiypon tomon surib ketdi. Yoshlik.