Izoh.uz saytida fotiha so‘zining izohi va ma’nolari

fotiha

So‘zni do‘stlar
bilan ulashing

1. din. 1 Qurʼonning birinchi, boshlangʻich surasi, boshlanishi.

2. Kimsaga ezgulik tilab aytiladigan duo, olqish.

Chollar Qudratga tani-joni sogʻlik, ishiga baraka tilab, fotihaga qoʻl koʻtardilar. M. Ismoiliy, Fargʻona tong otguncha
Rahim domla fotihaga qoʻl ochib, yoshlarni duo qildi. H. Gʻulom, Mashʼal

3. Biror ish-harakatni bajarishga kirishayotgan kishiga omad, baxt tilagan xolda beriladigan ruxsat, ijozat.

Fotiha bermoq. Fotiha olmoq.
Men rozi, kuyov qilamiz, fotiha bering. U. Ismoilov, Saylanma
Orif sardor xalqdan fotiha olib, otini yugurtirib, toʻdaga ketdi. A. Qodiriy, Kichik asarlar

4. etn. Qiz bilan yigit turmush qurishga rozi boʻlgandan keyin, buni qarindosh-urugʻ, mahalla ahliga maʼlum qilish maqsadida nikohsan oldin oʻtkaziladigan marosim; unashtirish.

Fotiha goʻyo yarim nikoh, u ikki tomonning kelajak hayotiga taqdir muhrini bosadi. Oybek, Tanlangan asarlar
Musulmon boʻlsalaring, qizimga tegmanglar! Birovning omonati! Birovga fotiha boʻlgan. P. Qodirov, Yulduzli tunlar

5. etn. Oʻlik chiqqan xonadonda oʻlimning dastlabki uch kuni hamda hayit kunlari marhumning xotirasi uchun oʻtkaziladigan marosim; taʼziya.

Fotihaga kirib chiqmoq.
Oʻligim kafansiz qolmasa, duoyi fotihaga kelganlarning oldiga bitta-ikkita qattiq-quttiq non qoʻysangiz boʻlgani. A. Qahhor, Sarob
Shu payt uch kishi fotihaga kirdi. S. Siyoyev, Avaz

6. koʻchma Tabriklash, muborakbod qilish, yaxshi tilaklar bildirish.

[Maxdum:] Sen qizlaringni ozod qoʻy, Nigor, dasturxon tayyorlab, choy qaynat! Fotihaga odamlar kelsa kerak. A. Qodiriy, Mehrobdan chayon

fotiha soʻzi qatnashgan jumlalar:

Fotiha oʻqimoq

1. Qurʼonning qisqa suralaridan birini oʻqib, marhumning ruhiga xudodan mehr-u shafqat, ezgulik tilamoq.

Mirzakarimboy qoʻllari bilan soqolini yengilgina siypab, marhumga fotiha oʻqigan boʻldi. Oybek, Tanlangan asarlar
Kampir tepasini burgan bosgan qabr oldida toʻxtab, hassasiga suyanib, yerga oʻtirdi-da, nimalarnidir pichirlab, fotiha oʻqidi. I. Rahim, Ixlos

2. Qoʻl ochib va uni yuzlariga tortgan holda, oʻzi yoki boshqalar uchun yaxshiliklar, ezgulik, tinchlik, salomatlik tilamoq, duo qilmoq.

Oshdan soʻng usta Olim shunday fotiha oʻqidi: — Dushmanlaringizning yoʻq boʻlganlari chin boʻlsin, sevganingiz bilan endi masʼud yashang! A. Qodiriy, Oʻtgan kunlar

Fotiha qilmoq

so‘zlashuv tili Fotiha oʻqimoq.

Qalandar poygakka chordana qurdi. Ichida nimanidir pichirladi, fotiha qildi. S. Siyoyev, Yorugʻlik

Yuziga fotiha tortmoq

Fotiha oʻqib boʻlingach, ikki qoʻlning kafti bilan yuzni yuqoridan pastga tomon yengilgina silamoq.

Nasiba kresloga oʻtirib, yuziga fotiha tortdi. A. Qahhor, Asarlar
Botir ham bobosiga qoʻshilib, yuziga fotiha tortdi. A. Dilmurodov, Osmonning bir parchasi

Oq fotiha

Biror ishni bajarishga kirishish uchun rozi boʻlib, mamnunlik bilan beriladigan ruxsat, ijozat.

Ota, sizdan oq fotiha tilayman, Shirvon elda Zulxumorga boraman. Ravshan
[ Tangriqul hoji:] Menga oq fotiha bering, safar otini egarlab, yoʻlga chiqay M. Osim, Ibn Sino qissasi

Fotiha soʻramoq

Boshqalardan oldinroq turib ketish uchun yigʻilish ahlidan yoki yoshi kattaroq kishidan ruxsat soʻramoq.

Abdurahmon sardor qaytmoqchi boʻlib, xalifadan fotiha soʻradi. S. Ayniy, Qullar

Fotiha toʻyi

Qiz bilan yigitning unashtirilganligi munosabati bilan oʻtkaziladigan kichik toʻy; unashtirish toʻyi.

Keling katta toʻydan ilgari fotiha toʻyini oʻtkazib olaylik. Hamza, Kim oʻgʻri?
Ichkarida bir oqsoch kampir, tashqarida bir karquloq otboqar qolgan, boshqa hech kim yoʻq, hamma fotiha toʻyiga ketgan. K. Yashin, Hamza

FOTIHA so‘zining sinonimlarini Sinonim.uz saytida qidirib ko‘ring.

ФОТИҲА so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

2307

So‘zning teskari yozilishi

ahitof

Harflar soni

Ko‘rishlar soni

588

fotiha so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

achin aberratsiya Merkuriy Bundestag Xorazmiy achchiqlanish abstraktlashtiril abstrakt Zamaxshariy

fotiha so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, fotiha so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar