g‘alati

1. Odatdagi, hammaga maʼlum boʻlganidan boshqacha; qiziq.

1. Sizlarda qanday — bilmadim-u, ammo biz taraflarda kelin-tushdi juda gʻalati boʻladi. S. Siyoyev, Yorugʻlik

2. Siz gʻalati odam ekansiz-ku, sogʻliqni saqlash kerak. S. Ahmad, Laʼli Badaxshon

3. xatdan boshini koʻtarmay: — Gʻalati yoʻtal chiqazibsizmi, Toʻlagan aka, — dedi. A. Qahhor, Qoʻshchinor chiroqlari

2. Nimaligi aniq boʻlmagan, anglab boʻlmaydigan; tayinsiz.

1. Vrach chiqib ketgandan keyin koʻnglini gʻalatilikmi, noaniqlikmi, ish-qilib, gʻalati bir tuygʻu qamrab oldi. Oʻ. Usmonov, Sirli sohil

2. Jilmaymoqchi boʻlgan edi, uning oʻrniga yuzida gʻalati bir ifoda paydo boʻldi. S. Zunnunova, Olov

3. Oʻz tabiiy holatini oʻzgartgan, alla-nechuk bir holatli.

1. Nega gʻalatisan, Vitya. Ranglaring quv oʻchgan-a. Yo qorning ochdimi? R. Fayziy, Sen yetim emassan

2. Nogoh Sobirning koʻzi ularga tushib, gʻalati boʻlib ketdi. M. Mansurov, Yombi

4. Juda qoyil; ajoyib.

1. Oyimchalardan gʻalatisini topib, gasht qilamiz. Oybek, Tanlangan asarlar

2. Sen toʻgʻringda bir gʻalati ocherk yozmoqchiman. S. Ahmad, Ufq

3. Albatta it boqing. Oʻzim gʻalatisini topib beraman. S. Ahmad, Saylanma