g‘ira-shira

1. Erta tong yoki shomda narsalar aniq koʻrinmaydigan payt; havoning erta tongda yorishib kelayotgan, kechqurun qorongʻilashayotgan holati; yorugʻlik yoki qorongʻilikning kuchsiz holati.

1. Gʻira-shira yorugʻ. Gʻira-shira qorongʻi. Gʻira-shira xona. Gʻira-shira payt.

2. Eʼzozxon bugun uydan har kungidan ertaroq — tong gʻira-shirasida, nonushta qilmasdanoq chiqdi. H. Gʻulom, Mashʼal

3. Hozir gʻira-shirada ularni bir-biridan ajratish qiyin. S. Anorboyev, Oqsoy

4. Gʻira-shira koʻchalar, guzarlarda qandaydir qora soyalar koʻzga chalinardi. O. Yoqubov, Koʻhna dunyo

2. Narsaning koʻrish yoki tasavvurdagi aniq-ravshan boʻlmagan, xira aksini bildiradi.

1. Gavhar uning qorongʻida gʻira-shira koʻrinib turgan mehribon chehrasidan bu safar ham iltimosini yerda qoldirolmaganini tushundi. Oʻ. Hoshimov, Qalbingga quloq sol

2. Yoshlik! Bu yillarda hayotingizda boʻlib oʻtgan voqealar tushda koʻrganday gʻira-shira esda saqlanadi. S. Karomatov, Lirika bastakori

3. Yosh pallamda dadam, ayam bilan birga shahardagi hovlimizga kelganim gʻira-shira yodimda. Oybek, Tanlangan asarlar