lozim

1. mod. s. Kerak, zarur.

1. Unga [Unsinga] dardlarini oʻrtoqlashuvchi sirdosh — qaygʻudosh lozim edi. Oybek, Tanlangan asarlar

2. Xoʻjaligimizda odam serob, lozim boʻlsa, yangi xoʻjalikka otlanamiz. Oʻzbekiston qoʻriqlari

3. Narzi sevgan qizining nomini uning nomi bilan bir qatori qoʻyishning lozimi qolmadi. N. Safarov, Olovli izlar

2. Harakat nomi shaklidagi feʼlga birikib, shu feʼldan anglashilgan harakatning bajarilishi talab etilishini, kerakligini bildiradi.

1. Aytish lozim. Kechirish lozim.

2. Boʻgʻoz quyonlarni homiladorlik davrida oʻz vaqtida sifatli ozuqa va toza suv berib parvarish qilish lozim. Fan va turmush

3. [Tarjimon] Badiiy asar yoki hujjatni bir tildan ikkinchi tilga tarjima qilmoqchi boʻlsa, u avvalo oʻsha originalning tom maʼnosini chuqur bilmogʻi lozim. X. Yodgorov, Hayot toʻlqinlari

lozim soʻzi qatnashgan jumlalar:

1. Sidiqjon bostirmaning orqasiga oʻtib, yaktak, lozim bilan choriqni kiydi. A. Qahhor, Qoʻshchinor chiroqlari

2. Barat polvon kavushini yechdi lozimini himardi va Shayton polvon belidagi belbogʻni olib bogʻladi. M. Ismoiliy, Fargʻona tong otguncha

3. Nurioy, oyingizdan toʻrt gazgina chit olib berasiz Lozim qilib kiyaman, unutmang. Oybek, Tanlangan asarlar

4. Pochasiga jiyak tikilgan lozimi tovonigacha tushib turibdi. H. Gʻulom, Mashʼal