manzil

1. Safarda, yoʻlda toʻxtab oʻtiladigan, qoʻnib turiladigan yoki yetib borish moʻljallangan joy.

1. Bir necha minutdan keyin qiz bilan yigit manzilga yaqinlashdilar. S. Ayniy, Doxunda

2. Shahristonga hozirgina kirib keldim. Tunamoqqa manzil istayman. Q. Mirzo, Olam goʻzal

2. koʻchma. Kurash, harakat natijasida erishilishi moʻljallangan marra.

1. Manzilga yaqinlashgan sari, sezgimiz oʻtkir, qilichimiz keskir boʻlishi lozim. Uygʻun, Navbahor

3. Yoʻlning bir toʻxtash joyidan ikkinchi bir toʻxtash joyigacha boʻlgan masofa.

1. Bir manzil, ikki manzil yoʻl yurib borayotir edi, oldidan bir kampir chiqdi. Ravshan

4. Turarjoy, istiqomatgoh.

1. Birdan pastdan, togʻ qazuvchilar manzilidan shodiyona qichqiriqlar koʻtarildi. M. Ismoiliy, Fargʻona t. o.