pillapoya

1. Zina yoki narvonning har bir pogʻonasi, bosqichi; pogʻona.

1. Joʻraboy uyqusizlikdan mudrab, zinaning ikki-uch pillapoyasiga baravar oyoq tashlab yuborgan edi, qalqib ketdi. S. Ahmad, Qadrdon dalalar

2. Bir oyogʻini vagonning yuqorigi, bir oyogʻini pastki pillapoyasiga qoʻyib turgan Saodatning koʻzi onasida edi. N. Safarov, Saodatning qissasi

3. Tezda orqasiga qaytdi-da, tepalikning narigi tomonidagi maxsus pillapoyadan pastga tushib, bolaning oldiga chopdi. S. Zunnunova, Olov

2. koʻchma Bosqich, koʻtarilish bosqichi.

1. Haqiqiy ilm fidoyilari fanning mashaqqatli, ammo faxrli pillapoyalari sari ilgarilayotib, oʻzlarini ochilmagan qoʻriq sari borayotganday his etishadi. Gazetadan

2. Hayot insonni asta-sekin voyaga yetkazar, oʻz pillapoyalaridan birin-ketin yetaklab chiqaverar ekan. Yoshlik