Izoh.uz saytida qalam so‘zining izohi va ma’nolari

qalam

So‘zni do‘stlar
bilan ulashing

1. Oʻrtasiga ingichka, uzun grafit joylangan choʻp shaklidagi, xat yozish, rasm solish, chizma chizish uchun ishlatiladigan yozuv, chizuv asbobi.

Qora qalam. Rangli qalamlar.
Chernetsov koʻk va qizil qalamlar bilan bezab tashlangan xaritaga qaradi. I. Rahim, Chin muhabbat

2. Perosi oʻzidan chiqarilgan ruchka.

Savagich qalam.
Keyin bir parcha qogʻoz olib, qamish qalamni qitirlatib yoza boshladi. M. Ismoiliy, Fargʻona tong otguncha
Bu ikkisi qogʻozga mixlangandek gap-soʻzsiz qalamni qirr-qirr qogʻoz ustida yuritib turar edi. A. Qodiriy, Mehrobdan chayon

3. Umuman, yozish, ijod qilish quroli.

U qoʻlimga tutqazib qalam, Koʻzlarimdan oldi uyquni. E. Vohidov.
Usmon Nosir oʻtgan yoʻllarida chaman ungan, qalami Pushkin, Lermontovlarni oʻzbek tilida gapirtirgan. Gazetadan

4. koʻchma Yozma asar ijod etish; yozma ijod, ijod.

Yaxshi yigit, sizning qalam kuchingiz juda ham zoʻr ekan-ku. Z. Fatxullin, Soʻnmas yulduz
Uning qalamiga mansub sheʼriy asarlar taʼsirchanligi bilan kishini oʻziga maftun etadi. Gazetadan

5. Qoshni qora qilish uchun surtiladigan qora modda va uni qoshga surtish uchun ishlatiladigan choʻpsimon asbob.

Seni haramda yaxshilab yasantiraman, qoshlaringga qalam, koʻzlaringga surma tortaman. Mirmuhsin, Choʻri

6. maxs. Tosh, taxta kabi qattiq jismlarni oʻyish, kesish va gul solish uchun ishlatiladigan metall asbob.

Haykaltarosh qalami.

7. sheva Tilim, tilik.

Bir qalam goʻsht.

qalam soʻzi qatnashgan jumlalar:

Moʻy qalam yoki qalami moʻy

Tosh qalam

aynan Grifel.

Poʻlat qalam

eskirgan Ayn. pero.

Qalam uchi (yoki haqi)

Yozilgan narsa uchun beriladigan haq; gonorar.

Duo qilib, qalam uchisiga boʻzni uzatdim — olmaydi. A. Qodiriy, Mehrobdan chayon
Bir oy oʻtgach, gazetada bosilgan ilk hikoyasiga qalam haqi keldi. Yoshlik

Qalam yurgizmoq (yoki tebratmoq, surmoq)

1. Yozmoq, xat mashq qilmoq.

Ularning zehni oʻtkirroqlari hozir bemalol xat taniydigan, qalam yurgizadigan boʻlib qolishdi. H. Gʻulom, Mashʼat

2. Adabiy asar yozmoq, ijod etmoq.

U sheʼrning turli navlarida qalam yuritadi. Oybek, Navoiy
Maʼruf Nazarov., qoʻshiqchilik sohasida ham dadil qalam tebratyapti. X. Yodgorov, Hayot toʻlqinlari

Qalami oʻtkir

Ijod, yozish qobiliyati darajasi yuqori.

Fazliddin esa, qalami oʻtkir jurnalist edi. D. Nuriy, Osmon ustuni
Ahmadning boʻlimga koʻp foydasi tegishi mumkin, qobiliyatli bola, qalami oʻtkir. F. Musajonov, Himmat

Qalamga olmoq

Biror asar, maqola va shu kabilarni yozishga kirishmoq; yozmoq.

Bu kun men shu Oʻtgan kunlarni qalamga olganimda ham, oʻsha oʻzimni zeriktirgan faslni tashlab ketishga majburman. A. Qodiriy, Oʻtgan kunlar
vafodorlikni ulugʻlab, bevafolikni ranj bilan qalamga oldik. Gazetadan

Qudrat qalami

Xudo tomonidan bitilgan, belgilangan.

Har banda qudrat qalami bilan yozilganni koʻradi. Oybek, Tanlangan asarlar

Qalam qosh

1. Uncha egilmagan qop-qora chiroyli qosh.

Toʻgʻri, qalam qoshga oʻsma qoʻyilsa buzarmish. S. Anorboyev, Oqsoy

2. Shunday qoshli kishi.

Koʻp yigit ayrildi qalam qoshidan. Gʻayratiy

Qoshi qalam

aynan Qalam qosh 2.

Birdan qoshi qalamim Paydo boʻldi nihoyat. Yo, Mirzo

QALAM so‘zining sinonimlarini Sinonim.uz saytida qidirib ko‘ring.

ҚАЛАМ so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

17498

So‘zning teskari yozilishi

malaq

Harflar soni

Ko‘rishlar soni

3622

qalam so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

Marg‘inoniy abrishim Merkuriy aʼlam Qurʼon abgor abr absolyutizm Boltiqbo‘yi

qalam so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, qalam so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar