sari

1. bosh va joʻnalish kelishiklari bilan Koʻm.

2. 1 Maʼlum tomonga, tomon qarab.

1. Insof sari baraka. Maqol

2. Axir, baliq ham suvga intiladi, koʻkat yorugʻlik sari boʻy choʻzadi. S. Siyoyev, Yorugʻlik

3. [Avaz] Qarasa, beixtiyor Tabibiyning uyi sari yoʻl solibdi. S. Siyoyev, Avaz

3. -gan affiksli sifatdosh bilan Ayn. sayin 1.

1. Quyoshli bahor ertasi juda ham yoqimliki, yurgan sari, yurging keladi. A. Muxtor, Opa-singillar

sari soʻzi qatnashgan jumlalar:

sheva Eng yaxshi, sara.

1. [Goʻroʻgʻli] Gʻirkoʻkka qamchi berib, ajdahoga koʻndalang boʻlib, sari yoy bilan otib, qilich bilan chopib tashlab, katta Mastonni bir oʻlimdan ayirib yuborgan joyi bor edi. Xushkeldi

sheva Sariq, sariq rangli.

1. Yilqi bozori, toy bozori, Qurt bilan sari moy bozori. Ravshan

a — choʻziq Hind ayollarining yubka shaklida belga bir necha bor oʻralib, bir uchi roʻmol qilib boshga tashlab qoʻyiladigan kiyimi.

1. U sarini yechib, uy kiyimlarini kiydi, yuvinib, ayvon chetiga oʻtirdi. Oybek, Nur qidirib