Izoh.uz saytida sur so‘zining izohi va ma’nolari

sur

So‘zni do‘stlar
bilan ulashing

fe’l

1. Itarib, bir joydan ikkinchi joyga koʻchirmoq; jildirmoq, siljitmoq.

Oriq, koʻzi ichiga tortib ketgan, iyaklari ingichka kelin ayvon taxmonidagi sandiqni nari-beri surar edi. Saodat

2. Yurmoq (shaxmat va shashka oʻyinida).

Piyodani surmoq. Filni surmoq.

3. Biror tomonga yoʻnaltirmoq, solmoq.

Lashkar surmoq. Karvon surmoq.
Ajab, bunda nechun yolgʻiz yuradi, Kim ekan u, kechasi ot suradi? Gulshanbogʻ
Gʻirotga men achchiq qamchi urayin, Yov ketindan shu kecha ot surayin. Gulshanbogʻ

4. so‘zlashuv tili Surtmoq, surkamoq.

[Nafisa] Ikki qoʻli yorilgan, hadeb glitserin surmoq ham foyda bermasdi. Mirmuhsin, Qahramonnoma

5. Otlar bilan qoʻshma feʼl yasaydi.

Davr surmoq, kayf surmoq, xayol surmoq, hukm surmoq.
U shildirab oqayotgan ariq ichidan baliqchalar izlab, xayol surayotgan Hafizaga boqib turardi. Mirmuhsin, Umid
Ularni kuzatib turgan ona, qizining eng oʻynab-kuladigan, ayollik, onalik baxtini suradigan vaqti oʻqish bilan oʻtayotganiga achinar edi. S. Nurov, Maysalarni ayoz urmaydi
Bogʻda gulni tergin endi, Davr-u davron surgin endi. Gulnorpari

sur soʻzi qatnashgan jumlalar:

Oldinga surmoq

1. Old tomonga siljitmoq;

2. Koʻchma olgʻa bostirmoq.

Ishni oldinga surmoq.

Orqaga surmoq

Akasi qistashini qoʻymabdi, ukasi erta-indin, deb orqaga surishini qoʻymabdi. Ertaklar

Suv surmoq

Sugʻorish uchun suvni biror tomonga yoʻnaltirmoq, yoʻnaltirib olib bormoq.

U [Yoʻlchi] yer haydadi, chopiq chopdi, suv surdi, dalaga gung tashidi. Oybek, Tanlangan asarlar

Surib bormoq

Kuch bilan siqib, bosib borib, ilgari haydamoq.

Haydar, raqibini surib borayotib, chalinib yiqilib tushdi. I. Rahim, Ixlos

Surib ketmoq

1. Kuch bilan olib, tortib, sudrab yoki ergashtirib ketmoq.

Tinglovchi esa shu daryo yuzidagi yelkanga oʻxshaydi. Sizlarga koʻchgan xotiralar esa yelkanni surib ketuvchi shamolga oʻxshaydi A. Nurmurodov, Urush bevalari

2. Olib qochmoq (ot haqida).

Saman hurkib, kelgan tomoniga — Koʻkorolga surib ketdi! H. Nazir, Soʻnmas chaqmoqlar

3. Koʻchma foyda bermay, zarar keltirmoq.

Harom pul surib ketadi.

Surib chiqarmoq

Kuch, tazyiq bilan siqib chiqarmoq.

Qism qorongʻi tushguncha dushmanni oldingi okoplardan surib chiqardi. A. Qahhor, Oltin yulduz

Chetga surmoq

1. Chet tomonga siljitmoq;

2. Koʻchma chetga chiqarib yubormoq, chetlatmoq.

Nasl (yoki suyak) surmoq

Nasldan naslga oʻtmoq (biror kasallik, irsiy holat va shu kabilar).

Tirnogʻi suribdi

Yangi tirnoq chiqib va oʻsib, eski, zararlangan tirnoqni tushiribdi.

Umr surmoq

Umr koʻrmoq, yashamoq.

Qalam surmoq

aynan Qalam tebratmoq

Navoiy ulugʻ fors shoirlari kabi, sheʼrning hamma shakllarida qalamni jasur surdi. Oybek, Navoiy

SUR so‘zining sinonimlarini Sinonim.uz saytida qidirib ko‘ring.

СУР so‘zining kirillcha yozilishi Lotin.uz sayti tomonidan taqdim qilingan.

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Saytdagi o‘rni

418

So‘zning teskari yozilishi

rus

Harflar soni

Ko‘rishlar soni

2864

sur so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

Uran abssissa abort abstraktlashtiril achchiqlan Orolbo‘yi aʼlo aʼzam ablahlik

sur so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, sur so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida

sur