O‘zbek tilining
izohli lug‘ati
ЎЗ
Izoh.uz saytida yuz so‘zining izohi va ma’nolari

yuz

ot

1. 1 Odam boshining old tomoni, old tomondan koʻrinishi; bet.

  1. Choʻziq yuz. Qizil yuz. Kulcha yuz. Yuzini yuvmoq.

  2. Boshqalar boʻlsa, Niyoz qushbegining soʻzidan keyin hojining yuziga tikilgan edilar. A. Qodiriy, Oʻtgan kunlar

  3. Qizgʻin boʻgʻuvchi havo yuzga uradi. Oybek, Tanlangan asarlar

  4. Kanizak durrasining uchi bilan yuzini bekitib, teskari oʻgirildi. A. Qahhor, Qoʻshchinor chiroqlari

2. Inson betining u yoki bu tomoni; yonoq.

  1. Raʼno supaga oyoq solintirib oʻtirib oldi. Kampir uni koʻrib, avval oʻzini yoʻqotib qoʻydi, keyin boʻynidan quchib, u yuzidan, bu yuzidan oʻpdi. A. Qahhor, Koʻk konvert

  2. Uning yuzlarida, dudoqlarida yigitning yuragini erituvchi bir tabassum yonadi. Oybek, Tanlangan asarlar

  3. bu yigitning surati oʻng yuzidagi qora xoli Shahzodaga uyqu bermay qoʻydi. K. Yashin, Hamza

3. Biror narsaning ustki tomoni, yuzasi; sirt, sath.

  1. Qir yuzini lolalar qoplagan. Koʻk yuzini bulut bosdi. Oyning yuzida ham dogʻ bor. Maqol

  2. Mana, ikki oyning ichida yaydoq dala yuzi yam-yashil gʻoʻza nihollari bilan qoplandi. Gazetadan

  3. Derazalarga urilgan yomgʻir parchalari oyna yuzini yuvib pastga oqardi. E. Raimov, Ajab qishloq

  4. uning qor yuzida jimirlab oʻynashi koʻzni qamashtirardi. H. Shams, Dushman

4. Ayrim narsalarning u yoki bu tomoni, tarafi, qirgʻogʻi.

  1. Koʻchaning ikki yuzida qator uylar.

  2. — Daryoning bul yuzida qolib, ul yuzidagi yoriga yetolmay qaqshagan badbaxt oshiq shoʻri boshimda, — dedi Gʻulomjon. M. Ismoiliy, Fargʻona tong otguncha

  3. Musulmonqul Chir-chiq boʻyiga kelib yetganda, qushbegi boshliq Toshkent yigitlari ham suvning berigi yuzida kutib turgan edilar. A. Qodiriy, Oʻtgan kunlar

5. Obroʻ, eʼtibor; yuz-xotir.

  1. Er yuzini yer ochar, yer yuzini er ochar. Maqol

  2. [Yusufbek hoji:] Har holda hurmatlarini bajo keltir, Margʻilon degan shahardan sening yuzingni deb keladilar. A. Qodiriy, Oʻtgan kunlar

6. Kesish yoki chopish asboblarining tigʻi.

  1. Pichoqning yuzi. Boltaning yuzi.

  2. Goʻrkov ketmon ursa, yer naq toshday, ketmon yuzini qayiribdi. Oybek, Tanlangan asarlar

7. mat. Tekislik yoki sirtning chiziqlar bilan oʻralgan qismi; sath.

  1. Doiraning yuzi. Uchburchak yuzi.

8. yoki Yuziga qaramaslik (bormaslik) Oʻzgaga berish, sarflash va shu kabilarda ayab, hisoblashib oʻtirmaslik.

  1. Baraka top, aylanay, yigit degan shunaqa mard boʻlsa. Besh soʻm, oʻn soʻmning yuziga qaramasa! O. Yoqubov, Tilla uzuk

  2. Bular bir tiyin, ikki tiyin, besh tiyinning yuziga qaramay, choyga, nonga ortiqcha pul toʻlab ketar edilar. Gʻ. Gʻulom, Shum bola

yuz soʻzi qatnashgan jumlalar:

Yer yuzi

1. Yerning yuzasi, sirti.

  1. Mamatov bilan Boboyorovlar brigadasida shudgor qilish oʻrniga faqat yer yuzi tirmalangan, xolos. Mushtum

2. Butun olam; dunyo, jahon.

  1. Toshkent yer yuzining turli joylaridagi birodarlashgan shaharlar bilan mustahkam doʻstlik aloqalarini oʻrnatgan. Gazetadan

Yer yuzini koʻrmoq

Dunyoga kelmoq, paydo boʻlmoq.

  1. — Buning oʻz oti oʻzi bilan. Yetti oyda yer yuzini koʻrdi. Yettivoy boʻladi-da, — debdilar [buvim]. E. Raimov, Ajab qishloq

Yorugʻ yuz bilan

Hech qanday kamchilik yoki aybsiz holda.

  1. Barakali yuk bilan dekadaga otlanib, Yashin yorugʻ yuz bilan xushnud qadam tashladi. Mushtum

Yuz amri shirin

Bet betga tushib turganda, yuz-xotirga borish, biror ish, xatti-harakatdan oʻzini tiyishni bildiruvchi ibora.

  1. — Toʻgʻri, yuz amri shirin-da! — Tursun aka jahl bilan eshikni yopib chiqib ketdi. Mushtum

Yuz bermoq

Yuzaga kelmoq; boʻlmoq.

  1. Bu shu qadar tez yuz berdiki, Hafiz ham, uning yonida turgan odamlar ham yiqilganidagina koʻrib qolishdi. Oʻ. Umarbekov, Yoz yomgʻiri

  2. Asosiy qurilish ishlari keng quloch ottirilgan boʻlsa, nega bunday hol yuz berishi mumkin?! Oʻzbekiston qoʻriqlari

Yuz koʻrar

etn. Nikohning ertasi kuni koʻrmana bilan kelin koʻrish marosimi.

Yuz koʻrsatmoq

Paydo boʻlmoq, koʻrinmoq.

  1. Xayol girdobida choʻmilib yotar, Unda yuz koʻrsatar yashnagan sarob. R. Parfi, Koʻzlar

Yuz ochmoq

Namoyon boʻlmoq, oʻzini koʻrsatmoq.

  1. Yangi bir kitobni varaqlaganday, Kunlar oʻtadi-yu, yuz ochar bahor. Yo, Mirzo

  2. Mashina koʻp yurmay, doʻnglikdan oʻtdi-yu, tamomila boʻlak manzara yuz ochdi. Oʻzbekiston qoʻriqlari

Yuz tutmoq

Oʻzi birikib kelgan soʻz anglatgan narsa, harakat, holat sari yoʻnalishni bildiradi.

  1. Inqirozga yuz tutmoq.

  2. Gulxaniy feodalizm tuzumining tushkunlikka yuz tutgan bir davrida Qoʻqon xonligida yashadi va ijod etdi. OʻTA

  3. Yuraklarni qattiq oʻynatgan hovliqish damlari oʻtdi, endi na-fas oʻnglanishga qarab yuz tutdi. M. Ismoiliy, Fargʻona tong otguncha

Yuz oʻgirmoq

1. aynan Yuzini oʻgirmoq.

  1. — Menimcha, uylanishdek nozik bir ish dunyoda yoʻqdir, — dedi Rahmat va Otabekka yuz oʻgirdi. A. Qodiriy, Oʻtgan kunlar

2. Aloqani uzmoq; kechmoq.

  1. Agar yana bir ogʻiz soʻz aytsang, men sendan yuz oʻgiraman! Mirmuhsin, Meʼmor

  2. Qarindoshlarimiz ham dadamdan yuz oʻgirishgan. Piyanista deyishadi. E. Raimov, Ajab qishloq

Yuzi yorugʻ

Ish-faoliyat, xatti-harakatida kamchiligi yoki aybi yoʻq holatli.

  1. Xirmonimiz barakali boʻlsa, davlatimiz, xalqimiz oldida yuzimiz yorugʻ boʻladi. Gazetadan

  2. Eshitdim. Haytovur, bechora qizning yuzi yorugʻ boʻldi. N. Safarov, Tanlangan asarlar

Yuzi yoʻq

Or-nomusi, uyati yoʻq; betsiz.

  1. Shu tobda Mir-badal koʻzimga koʻrinarmidi-ya. Yuzi yoʻq ekan! N. Safarov, Tanlangan asarlar

Yuzi chidamaslik

Oriyati yoʻl qoʻymaslik.

  1. Hadeb ishdan javob soʻrab kelaverishga yuzim chidamay qoldi. Mushtum

  2. Sodiqjon boyvachcha uch tanob yer, katakdek chorbogʻni anchadan beri koʻz ostiga olib yurar, lekin buni Poʻlat otaga aytishga yuzi chidamay kelardi. K. Yashin, Hamza

Yuzi shuvut

  1. Endi yuzi shuvut, nima qilishini bilmay oʻtiribdi. S. Yunusov, Kutilmagan xazina

Yuzi qora

Aybdor, gunohkor holatli.

  1. oʻz joni va ikki bolasini deb, ikki lochinni tutib bersa, yuzi qora boʻlib, el ichida qanday bosh koʻtarib yuradi keyin. K. Yashin, Hamza

Yuzi qursin

Nafrat, hazar ifodalovchi ibora.

  1. Yomonning yuzi qursin.

Yuziga aytmoq

Shaxsan oʻziga ochiq, roʻyirost aytmoq.

  1. U, majlislarda kimning aybi boʻlsa, shartta yuziga aytaverardi. S. Ahmad, Ufq

  2. Hozir oʻzlari boʻlganda, yuzlariga aytar edim Yaxshisi, xalaqit bermasinlar. N. Safarov

Yuziga yopiq

Qulf yoki boshqa narsa bilan mahkamlanmay berkitib (yopib) qoʻyilgan (eshik, deraza kabilar haqida).

  1. Burchakda, yerdan ikki yarim gazlar yuksaklikda kun botishga qaratib qurilgan ikkita koʻrimsiz bir betli eshiklar yuzlariga yopiq holda edi. A. Qodiriy, Oʻtgan kunlar

Yuziga yopmoq (yoki bekitmoq)

Qulflamay yoki boshqa narsa bilan mahkam (ochilmaydigan) qilmay berkitmoq (yopmoq).

  1. Yuvosh gʻiyqillatmaslikka harakat qilib, derazani yuziga yopib qoʻydi. E. Raimov, Ajab qishloq

  2. tuvoqni yopib, koʻcha eshikni yuziga bekitdi-da, supaga chiqib, omonatgina yonboshladi. R. Fayziy, Hazrati inson

Yuziga oyoq qoʻymoq (yoki tiramoq)

Yuziga solmoq

Taʼna, minnat tarzida oʻzicha gapirmoq.

  1. Uni yuz-xotir qilmay, zolimligini dangal yuziga solishdi. K. Yashin, Hamza

  2. Vaholanki, odamlar esida saqlab yurarkan. Yigʻib yurib, yuzingga solarkan. I. Rahim, Zangori kema kapitani

Yuzini yerga qaratmoq

Yuzi shuvut holga solmoq, or-nomusdan xijolatli holga tushirmoq.

  1. Vatanning amri shu, burchingni bajar, Oxiri yuzimni yerga qaratma! Gʻayratiy

  2. Hasan akaning yuzini yerga qaratadigan boʻldik. E. Raimov, Ajab qishloq

Yuzini koʻrmoq

Oʻzi birikib kelgan soʻz anglatgan narsa, joy va shu kabilarda paydo boʻlmoq, koʻrinmoq maʼnosini bildiradi.

  1. Dunyo yuzini koʻrmoq.

  2. Lermontovning rus dramaturgiyasining ajoyib durdonalari hisoblangan sahna asarlari faqat bir necha oʻn yildan keyingina sahna yuzini koʻrdi. Gazetadan

Yuzini oʻgirmoq

1. Yuzini boshqa tomonga burmoq.

  1. — Sizning oldingizda yechinaymi? — Uyalsangiz, men yuzimni oʻgirib turay. A. Qodiriy, Oʻtgan kunlar

2. aynan Yuz oʻgirmoq.

  1. Avom ulardan yuzini oʻgirgan Mirmuhsin, Meʼmor

  2. Faqat kechagina yuzini oʻgirib olgan bu sitamkor baxt Madumar oilasiga toʻlib-toshib, quchoq ochib keldi. M. Ismoiliy, Fargʻona tong otguncha

Qaysi yuz bilan

Uyalmay-netmay, qanday qilib.

  1. Endi qaysi yuz bilan xalqqa qaraymiz? O. Yoqubov, Er boshiga ish tushsa

  2. Undoq boʻlsa, bu yerga qaysi yuz bilan keladi? A. Qahhor, Qoʻshchinor chiroqlari

1. 1 100 raqami va shu raqam bilan ifodalangan son, miqdor.

  1. Yuz qadam. Yuz soʻm. Yuz dona qalam. Bundan yuz yil ilgari. Yuz darajali termometr. Yuzdan bir qism. Yuzgacha sanamoq. Mingni yuzga boʻlmoq.

  2. Jiyan, aqling boʻlsa, kishining bir tiyiniga xiyonat qilma. Tiyin ham pul, yuz., soʻm ham pul. Oybek, Tanlangan asarlar

2. so‘zlashuv tili Koʻp, koʻp marta.

  1. Mard bir oʻylar, nomard yuz oʻylar. Maqol

  2. Adolat yuz iztirobda toʻlgʻangan qalbini yengdi-yu, boshini koʻtardi. S. Zunnunova, Gulxan

  3. Yoʻlchi oʻz onasidan yuz martalab eshitgan gaplarni Mirzakarimboy hikoya qila boshladi. Oybek, Tanlangan asarlar

YUZ so‘zining sinonimlarini Sinonim.uz saytida qidirib ko‘ring.

ЮЗ so‘zining kirillcha yozilishi Lotin.uz sayti tomonidan taqdim qilingan.

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.
Saytdagi o‘rni
793
So‘zning teskari yozilishi
zuy
Harflar soni
3
Ko‘rishlar soni
2183

yuz so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

achishtir achchiqlanish abrishim Jo‘qorg‘i Kenges achchiq achinarli achchiqlantir Shekspir abad
yuz so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, yuz so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida

Loyihalarimiz

TVinfo.uz — Bugun, ertaga va keyingi hafta uchun to‘liq teledasturlar.

TVinfo.uz — Телепрограмма на сегодня, завтра и ближайшую неделю.

tvinfo.uz

O‘zbek Ismlarning to‘liq, batafsil ma’nosi, kelib chiqishi, shakllari. O‘zingiz va yaqinlaringizni ismlari ma’nosini bilib oling.

Полный смысл, происхождение, формы узбекских имён. Узнайте смысл своего имени и имён близких.

ismlar.com

DostavkaInfo — Taomlar, dorilar, kitoblar va boshqa uy uchun kerakli bo‘lagan narsalarni yetkazib berish xizmatlari bor servislar.

DostavkaInfo — Каталог сервисов, предлагающих доставку еды, лекарств, книг и товаров для дома.

dostavkainfo.uz

Lotin.uz — foydalanuvchilarga berilgan matnni lotindan kirillga va aksincha o‘girish xizmatini taklif etadi.

Lotin.uz — поможет транслитерировать с узбекской кириллицы на латиницу и обратно. Легко!

lotin.uz

Maqol va naqllarning eng katta kolleksiyasi. Har bir maqol uchta tilda (o‘zbek, rus, ingliz).

Самая большая коллекция пословиц и поговорок на трёх языках (узбекский, русский, английский).

maqollar.uz

Har kuni eng sara latifalar va kulguli rasmlar. O‘zbek tilidagi kulgu markazi!

Ежедневно только отборные анекдоты, смешные картинки. Кузница юмора на узбекском языке!

latifa.uz

Valyutani yuqori kursda almashtirish uchun yaqin punktlarni aniqlab beruvchi servis. Punkt joylashuvini kartada ko‘rsatadi.

Сервис, помогающий найти ближайшие пункты обмена валюты с выгодным курсом. Покажет местоположение пункта прямо на карте.

onmap.uz

O‘zbekcha telegram kanallarining eng katta katalogi. Faqt faol kanallar, ruknlarda va batafsil statistikasi bilan.

Самый большой каталог телеграм каналов в Узбекистане. Только активные каналы по категориям и с подробной статистикой.

uztelegram.com

O‘zbek tilida savodli yozishni biz bilan boshlang.

С нами вы научитесь грамотно писать на узбекском языке.

sarlavha.com

O‘zbek tilining sinonimlar lug‘ati. Saytda 3300 tadan ortiq so‘zlar, 900 ga yaqin sinonim so‘zlar to‘plamiga jamlangan.

Словарь синонимов узбекского языка на нашем сайте содержит более 3300 слов и 900 синонимов.

sinonim.uz

Imlo.uz — O'zbek tilining imlo lug'ati. Saytda 87 000 ortiq so'z bor. So'zning to'g'ri yozilishini tekshiring.

Imlo.uz — Орфографический словарь узбекского языка позволяющий проверить правописание узбекских слов на латинице и кириллице. В базе более 87 000 слов.

imlo.uz
ibora.uz salsa.uz skripka.uz slovo.uz television.uz vatt.uz iboralar.uz resumes.uz havo.uz
Izoh.uz saytining bazasida jami 35 927 ta so‘z bor
Aloqa Telegram
© Izoh.uz — O‘zbek tilining izohli lug‘ati, 2014–2026
Obuna va GoodGroup loyihasi. 18+