Izoh.uz saytida zamon so‘zining izohi va ma’nolari

zamon

So‘zni do‘stlar
bilan ulashing

1. fls. Materiya (obyekt) holatlarining hamda hodisa (jarayon)larning izchil almashinish shakli; davomlilik, takrorlanmaslik, qaytarilmaslik kabi umumiy xossalarga ega boʻlgan vaqt.

2. Soʻz borayotgan payt; umuman vaqt, payt, davr, mahal.

Hozirgi zamon. Zamon senga boqmasa, sen zamonga boq. Maqol
Hasanalining Otabeklar oilasida boʻlganiga ellik yillar chamasi zamon oʻtib, endi Otabeklar oilasining chin bir aʼzosi boʻlib ketgan. A. Qodiriy, Oʻtgan kunlar
Esini taniganidan boshlab onasi bilan kechirgan zamonlar Yoʻlchining koʻz olidan bir-bir oʻtadi. Oybek, Tanlangan asarlar
Mana, endi yangi davr, yangi zamon keldi. K. Yashin, Hamza
Chol [Shokir ota] zamondan koʻproq shikoyat qildi. Oybek, Tanlangan asarlar
Endi u zamonlar qamishkapaliklarga oʻtmish xotirasi boʻlib qoldi. P. Tursun, Oʻqituvchi

3. Biror muhim, oʻziga xos hodisa, tarixiy voqea roʻy bergan yoki biror shaxs, hokim tabaqa, sulola hukmronlik qilgan davrni qamrab olgan vaqt.

Tinchlik zamoni. Urush zamoni. Istiqlol zamoni. Amir zamoni. Temuriylar zamoni.

4. Kutilgan payt, davr-u davron.

Umrlaring uzun boʻlsin. Zamonlaring kelibdi: oʻynanglar, kulinglar. P. Tursun, Oʻqituvchi

5. tilshunoslik Maxsus shakllar yordamida harakatning nutq paytiga munosabatini bildiruvchi feʼl kategoriyasi.

Oʻtgan zamon. Hozirgi-kelasi zamon. Kelasi zamon sifatdoshi.

6. Zamon (erkaklar ismi).

zamon soʻzi qatnashgan jumlalar:

Ayni zamonda

Shu bilan birga; bir paytning oʻzida.

Ayni zamonda, ana shu milliy oʻziga xoslik konkret individual uslub bilan bogʻliq holda izohlanishi kerak. OʻTA

Bir zamon

1. Bir vaqt, bir mahal; ancha vaqtdan keyin.

Bir zamon choyxonachi keldi. S. Siyoyev, Yorugʻlik;

2. Oʻtmishda, ilgari; oʻtgan vaqtlarda.

Bu keng koʻkrak bir zamon Qaqrab yotardi. Vahshat azob, oʻlim, qon Toʻlib yotardi. Gʻayratiy

Bir zamonlar

aynan Bir zamon 2.

Roʻzimboy bir zamonlar bu yogʻi Buxoro, bu yogʻi Qoʻngʻirot-u Marvgacha borib kurash tushgan. S. Siyoyev, Yorugʻlik
— Esingizdami, bir zamonlar hovlingizda bir yetimcha xizmatingizni qilar edi? — dedi eshonga Elmurod. P. Tursun, Oʻqituvchi

Bobomning zamonida

Uzoq oʻtmishda, qadimda, allaqachonlar.

Oxir zamon

din. Qiyomat yaqinlashgan vaqt.

— Bilmadim, boʻyoqchining nili buzilganmi yo oxir zamon yaqinlashib, yaʼjuj-maʼjuj xuruj qilganmi? — Sulton-bek atrofidagilarga koʻz yugurtdi. Oybek, Tanlangan asarlar

Shu zamon

1. Hozirgi payt, hozirgi kun.

Shu zamonning yoshlari;

2. Shu on, shu payt; darhol.

Shitir etsa tushgan barg, Eshitilar shu zamon Uygʻun

Hali zamon

Hademay, tez fursatda.

Serjant oʻshqirib: — Nima deysan? Yotib uxlasang-chi, hali zamon postga borasan, — dedi-da, oʻqishda davom etdi. I. Rahim, Chin muhabbat

Har zamon(da)

Goho-goho, ahyon-ahyonda.

Har zamon yaqin-yiroqdan gadoy tovushi eshitiladi. A. Qahhor, Bemor
Har zamon-har zamon bu yoʻldan gʻuvullab, ogʻir yuk mashinalari oʻtib qolardi. Gazetadan

Hech zamonda

Hech bir vaqt, hech qachon; biron-bir vaqtda.

Hech zamonda shunday ishlar boʻlami, Odamzod naslidan dushman kelami. Murodxon

ZAMON so‘zining sinonimlarini Sinonim.uz saytida qidirib ko‘ring.

ЗАМОН so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

20133

So‘zning teskari yozilishi

nomaz

Harflar soni

Ko‘rishlar soni

1743

zamon so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

abro‘ abyot abstraktlashtiril Boburnoma abadiyat ablahlik acha aberratsion Merkuriy

zamon so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, zamon so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar