басир

1. эскирган

1. Қилурни айла риоят демакта асра адаб, Ки дўст феълинг-у қавлунгғадур басир-у саме'. Навоий, Хазойинул-маоний

2. Кўриш қобилияти йўқ; кўр, сўқир.

1. Ҳатто умри бўйи қорни тўймаган қашшоқ ҳам, кўзи басир тиланчи ҳам, бир кун бўлса-да, кўпроқ яшасам, дейди. С. Анорбоев, Оқсой

2. Пинҳон эди унга бор умр, чунки ҳаёт этмишди басир. У. Носир, Юрак

3. Ахир шунчалик басир эмас-ку, йўл бўйида турган одамни кўрмайдиган. М. Хайруллаев, Кўнгил

3. кўчма Нарса, воқеанинг моҳиятини тушуна олмайдиган; онгсиз; билимсиз; жоҳил.

1. Тўғри-ку, лекин бу басир оломонни маърифатли қилиш учун жуда узоқ муддат керак бўлади. К. Яшин, Ҳамза

2. — Азбаройи ўшал кўзи очиқ, қалби басирларга қаҳрим туфайлидир. Аларнинг китоб кемирувчи сичқонлардан не фарқи бор? — деди Бобур. Х. Султанов, Бир оқшом эртаги