боғ
билан улашинг
1. Мевали дарахт, ток ва гул билан банд ер майдони; мевазор.
-
Олма бот. Бахилнинг боғи кўкармас. Мақол.
-
Қиз ҳамон қўнғироқдек кулар, сокин боғ унинг шодон қаҳқаҳаси билан тўлган эди. Ў. Ҳошимов, Қалбингга қулоқ сол
-
Бизнинг юртда шу паллада токда узум, полизда қовун, боғда анор. Ойбек, Қуёш қораймас
-
Зарқишлоқ кўчаларида, адир ва сойларида, сердарахт боғларида кўклам намойиши кезади. С. Аҳмад, Уфқ
2. кўчма Гуллаб-яшнаб турган обод жой; гулшан.
-
Юрган ерларингиз боғ билан бўстон, Жонимни жонингга айлайин қурбон. Ой-сулув
-
Мактаб боғ бўлса, бола ниҳол бўлса, бу боғнинг боғбони, илм чароғбони ўқитувчидир. Газетадан
3. кўчма Суянчиқ, таянч, умид.
-
Фотиманинг суянган тоғи, ишонган боғи шу боғ, Турғунбой. Т. Ашуров, Оқ от
-
Кейин у, ягона ўғли, ишонган боғи, суянган тоғи Раззоқнинг айрилиқ дардини тортди. Ҳ. Ғулом, Машъал
4. кўчма Ҳаёт, турмуш; оила.
-
Тинч элнинг боғи гуллар. Мақол
-
Бу қиз [Бадиа] амирзодалардан бирининг боғини обод қилғуси. Мирмуҳсин, Меъмор
-
Севдим сени, боғим гули Тоза очилган чоғида. У. Исмоилов, Сайланма
5. кўчма Оғуш, олам; ўчоқ, маскан.
-
Шунда унинг хаёл боғида яна Адолатнинг чеҳраси кўринди. И. Раҳим, Чин муҳаббат
-
Эрка кўнглим эрк боғида яйрасин. Ғайратий
-
Ҳусн боғининг бу янги эркаси [Кумуш]. А. Қодирий, Ўтган кунлар
-
Ҳаммамизга маълумки, мактаб билим-фаннинг, одоб-ахлоқнинг асосий масканидир, боғидир. Газетадан
6. кўчма Нариги дунё; жаннат.
-
Энди қолар тоғни эмас, борар боғни ҳам ўйлаш керак. С. Сиёев, Ёруғлик
боғ сўзи қатнашган жумлалар:
Боғи эрам
-
Севганим қошимда бўлса, менга чўл — боғи эрам. Ҳамза. Боғ кўча Шаҳардан ташқаридаги қўрғонлар, боғлар орасидан ўтган кўча.
-
Шербек боғ кўчага етганда, тўп-тўп, якка-якка бўлиб, клубга кетаётган таниш ҳамқишлоқларига дуч келди. С. Анорбоев, Оқсой
Боғ қилмоқ
-
Сафар бобо Янгиобод хўжалигига жойлашиб олгач, турли кўчатлар экиб, боғ қилди. Ўзбекистон қўриқлари
-
Тўғри, кенг кўчалар солдирамиз, ҳамма ёқни боғ қиламиз. Муштум
Истироҳат боғи ёки томоша боғ
-
Қишлоқнинг ўртасида маданият ва истироҳат боги бўлиб, бугун очилган канал унинг ўртасидан кесиб ўтар эди. А. Қаҳҳор, Қўшчинор чироқлари
-
Салим билан Фазлиддин томоша боғда кезган сингари, секин-секин юриб, боғнинг ҳар жиҳатини кўздан кечира бошлади. Ойбек, Танланган асарлар
Ором боғи
-
Шаҳри Тилсимнинг қирқ дарвозаси бор. Қирқ ором боғи бор. Маликайи айёр
Ҳайвонот боғи
-
Ҳайвонот боғидаги ҳайвонларнинг тури ҳам, сони ҳам кўп. Муштум
-
Яқинда Термиз ҳайвонот боғида туғилган шер боласининг ҳаёти ўнгидан келмади. Газетадан
Бири боғдан (келса), бири тоғдан (келади)
-
Салкам бир соатдан бери дала шийпонида дув-дув гап бориб, бири боғдан келса, иккинчиси тоғдан келиб Хосият хола ҳақида баҳслашар эдилар. М. Муҳамедов, Ҳикоя ва шеърлар
Боғдан гапирса, тоғдан келмоқ
-
ман боғдан гапирсам, сен тоғдан келасан. Ойбек, Танланган асарлар
-
Боғдан гапирсанг, тоғдан келадурлар! А. Қодирий, Кичик асарлар
Узумини е, боғини суриштирма
-
Иўли шунақа, узумини енг-у, боғини суриштирманг. Муштум
1. Боғлаш учун хизмат қиладиган нарса ва унинг боғланган жойи, тугуни; боғич.
-
Чимилдиқнинг боғидан Сичқон қочди, ёр-ёр. Қўшиқлар
-
Амин нўхта боғининг қозиқда боғлиқ бўлганини кўрди-да, қиличини суғуриб, у билан ипни кесди. С. Айний, Қуллар
-
Атлас кийдим, боғин бойлайман, Сизга ваъда бердим, сўнгин ўйлайман. Қўшиқлар
-
Бу кўринган тоғлар Асқар тоғидир, Оёғимда тилла кишан боғидир. Оқ олма, қизил олма.
2. Тўплаб, дасталаб, белидан боғланган пичан, беда, похол, кўкат ва шу кабилар
-
Бир боғ буғдой. Бир боғ сабзи.
-
Қиз кимсан — Султоновга катта бир боғ ўтинни орқалатиб, олдига солиб келарди. М. Мансуров, Ёмби
-
Ғўза ўтоғига чиққан Ойшахон кечки пайт бошига бир боғ ўт қўйиб, уйларига қайтди. П. Қодиров, Эрк
-
Турғуной гапга аралашолмай, бедалар ичида бир боғ бедадай силкиниб борар эди. А. Қаҳҳор, Асарлар
боғ сўзи қатнашган жумлалар:
Оёқнинг боғи бўлмоқ
-
— Акам Қурбон бир оз эслироқ бўлгани учун, кўпинча ўз ўртоқлари билан кўчадан бери келмас, мен бўлсам онам оёғининг боғи, юрагининг доғи бўлиб, хархашадан бошим чиқмас эди, — деди Пўлат. Ғайратий, Ёшлигимиз
Оғзининг боғи қочмоқ
-
Оғзининг боғини қочирган Мараҳим яна кўп ёлғон-яшиқларни айтиб чарчади. Ш. Ризо, Қор ёғди, излар босилди
БОҒ сўзининг синонимларини Sinonim.uz сайтида қидириб кўринг.
BOG‘ сўзининг лотинча ёзилиши Lotin.uz сайти томонидан тақдим қилинган.
боғ сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
Izoh.uz лойиҳаси ҳақида
Izoh.uz — Ўзбек тилининг халқона изоҳли луғати 35 000 дан ортиқ сўзларнинг маънолари ибора ва мисоллар билан келтирилган.
Йиллар давомида “Ўзбек тили куни”га бағишлаб, ўзбек тилини ўрганувчилар, журналистлар, таржимонлар, копирайтерлар, блогерлар ва бошқалар учун фойдали лойиҳаларни ишга туширишни анъанага айлантирганмиз. Бизнинг жамоа Lotin.uz, Imlo.uz, Sinonim.uz, Sarlavha.com лойиҳаларини ҳукмингизга ҳавола қилган.
Батафсил Izoh.uz лойиҳаси ҳақидаЛойиҳаларимиз
TVinfo.uz — Bugun, ertaga va keyingi hafta uchun to‘liq teledasturlar.
TVinfo.uz — Телепрограмма на сегодня, завтра и ближайшую неделю.
O‘zbek Ismlarning to‘liq, batafsil ma’nosi, kelib chiqishi, shakllari. O‘zingiz va yaqinlaringizni ismlari ma’nosini bilib oling.
Полный смысл, происхождение, формы узбекских имён. Узнайте смысл своего имени и имён близких.
DostavkaInfo — Taomlar, dorilar, kitoblar va boshqa uy uchun kerakli bo‘lagan narsalarni yetkazib berish xizmatlari bor servislar.
DostavkaInfo — Каталог сервисов, предлагающих доставку еды, лекарств, книг и товаров для дома.
Lotin.uz — foydalanuvchilarga berilgan matnni lotindan kirillga va aksincha o‘girish xizmatini taklif etadi.
Lotin.uz — поможет транслитерировать с узбекской кириллицы на латиницу и обратно. Легко!
Maqol va naqllarning eng katta kolleksiyasi. Har bir maqol uchta tilda (o‘zbek, rus, ingliz).
Самая большая коллекция пословиц и поговорок на трёх языках (узбекский, русский, английский).
Har kuni eng sara latifalar va kulguli rasmlar. O‘zbek tilidagi kulgu markazi!
Ежедневно только отборные анекдоты, смешные картинки. Кузница юмора на узбекском языке!
Valyutani yuqori kursda almashtirish uchun yaqin punktlarni aniqlab beruvchi servis. Punkt joylashuvini kartada ko‘rsatadi.
Сервис, помогающий найти ближайшие пункты обмена валюты с выгодным курсом. Покажет местоположение пункта прямо на карте.
O‘zbekcha telegram kanallarining eng katta katalogi. Faqt faol kanallar, ruknlarda va batafsil statistikasi bilan.
Самый большой каталог телеграм каналов в Узбекистане. Только активные каналы по категориям и с подробной статистикой.
O‘zbek tilida savodli yozishni biz bilan boshlang.
С нами вы научитесь грамотно писать на узбекском языке.
O‘zbek tilining sinonimlar lug‘ati. Saytda 3300 tadan ortiq so‘zlar, 900 ga yaqin sinonim so‘zlar to‘plamiga jamlangan.
Словарь синонимов узбекского языка на нашем сайте содержит более 3300 слов и 900 синонимов.