боғла

1. Боғ, тугун солиб уламоқ, пайваста қилмоқ; бириктириб турмоқ.

1. Ипларнинг учини., боғлаб узайтирмоқ. Ботинканинг ипини боғламоқ. Қопнинг оғзини боғламоқ. Юз қопни боғлаб бўлар, Юз оғизни боғлаб бўлмас. Мақол

2. Қўлидаги ўтни ерга ташлаб, туфлиси боғичини қисиброқ боғла-ди. Ёшлик

2. Арқон, занжир, ип ва шу кабилар воситасида бириктириб, чандиб, танғиб, ўз жойидан жилмайдиган, қимирламайдиган, нари кетмайдиган қилиб қўймоқ.

1. Қўйни боғлаб боқмоқ. Каптарнинг қанотларини боғламоқ.

2. Анварни кўрсангиз ҳеч нарсага қарамай, қўлини боғлангиз. А. Қодирий, Меҳробдан чаён

3. Молхона олдидаги гулини тўккан гилосга боғлаб қўйилган каттакон ола сигирга кўзим тушди. Ў. Ҳошимов, Икки эшик ораси

4. Фазлиддин отни илдам чиқариб, дарахтга боғлади. Ойбек, Танланган асарлар

3. кўчма Бирор ердан ёки кишидан айрилмайдиган қилиб қўймоқ.

1. Тақдир уларни бир-бирига маҳкам боғлади.

2. Шарофат Сидиқжонни бу ерга боғлаган нарсани яхши-лаб билмоқчи ва шунга қараб тош қўймоқчи бўлди. А. Қаҳҳор, Қўшчинор чироқлари

4. Боғич ёки бирор бошқа нарса воситаси билан бириктирмоқ ёки тиркамоқ, осмоқ.

1. Аҳмаджоннинг орқасига боғлаб олган сумкасига мина парчаси тегган эди. А. Қаҳҳор, Олтин юлдуз

2. Иложи бўлса, мени от думига боғлаб, пойга қилсалар. Ойбек, Олтин водийдан шабадалар

3. Олмос пўлат боғлаб мен ҳам белимдан, Дев излаб чиққанман ўсган элимдан. Маликайи айёр

5. Тўплаб, дасталаб, белидан боғ солмоқ, боғ солиб тугмоқ, дасталамоқ.

1. Пичан боғламоқ. Пиёз боғламоқ.

6. Ўраб танғимоқ, ўрамоқ, тақмоқ.

1. Рўмол боғламоқ. Камар боғламоқ. Галстук боғламоқ.

2. Бошига оқ дока рўмол боғлаган, ранги заҳил бир аёл кўринди. Н. Аминов, Қаҳқаҳа

3. Жувон эшикдан кириши билан буларни кўриб, бир тўхтади-ю, дуррасини қайта боғлаб, тўғри супа томонга келди. А. Қаҳҳор, Қўшчинор чироқлари

7. Оғриқ ерни эҳтиётлаш, даволаш мақсадида дори-дармон қўйиб ёки шундайлигича ўраб, чандиб, танғиб қўймоқ.

1. Ярани бинт билан боғламоқ.

2. У бирор ҳафта касал-хонада ётиб чиққандан кейин, бир неча кун лунжини боғлаб юрди. А. Қаҳҳор, Қўшчинор чироқлари

3. Бошимга сассиқ бир суюқ доридан чаплаб, рўмол билан танғиб боғлаб қўйди. Э. Раимов, Ажаб қишлоқ

4. Тик турганча бармоғимга йод суркаб, бинт билан танғиб боғлади. С. Сиёев, Ёруғлик

8. кўчма Йўл-йўриқ кўрсатиш, ёрдам бериш учун биркитмоқ, бириктириб қўймоқ.

1. Бошқарма бизга кекса ишчилардан боғлаб қўйсин. А. Мухтор, Туғилиш

2. Раиснинг кўнглига келмасин, деб машинасига ҳам тегмади, шофёрни Мирзааҳмад аканинг эшигига боғлаб қўйди. Ўзи шалоқ аравада тоғ-у тош кезиб юрибди. С. Сиёев, Отлиқ аёл

9. Бўғиб, тўсиб, керакли томонга йўналтирмоқ (сувни).

1. Экинларга сув боғламоқ. Сувни боғлагунча, ариқ оч. Мақол

2. Сувни ким боғлади, тўғонни ким кўтарди? Н. Сафаров, Танланган асарлар

3. Султон Санжар Мозий ўйлаб, шу дарёни боғлашга қарор қилибди. Эртаклар

10. Ўзида бирор нарса пайдо қилмоқ; йиғмоқ, тўпламоқ.

1. Яра фасод боғлади.

2. Баркашда шарбат боғлаб кетган анжир, олтин сингари ҳусайни узум ва шафтоли бор эди. Н. Сафаров, Водиллик қаҳрамон

3. Боғ ва полизларда таърифи йўқ минг хил ноз-у неъматлар шакар боғлайди. С. Азимов, Оппоқ тонг қўшиғи

11. кўчма Узвий равишда бирлаштирмоқ, бирга қўшмоқ, уламоқ.

1. Таълим-тарбия ишларини ҳаёт билан боғламоқ.

2. Меҳнат билан муҳаббатни боғлагин, Сўнгра ҳарна тилак бўлса чоғлагин. Ҳабибий, Девон

12. Узвий боғланиш, муносабат асосида бир-бирига қўшмоқ, дахлдор қилмоқ, уламоқ, бириктирмоқ.

1. Икки фикрни ўзаро боғламоқ. Сўзларни боғлаб гап тузмоқ.

2. Чол асл мақсадини унутиб, анча гапларни айтиб юборганини ўзи ҳам сезиб қолди-да, сўзининг охирини яна эчкига боғлади. С. Аҳмад, Ҳукм

3. Наврўзни динга боғладик. Ҳолбуки, бу байрамнинг ислом динига мутлақо алоқаси йўқ эди. Газетадан

боғла сўзи қатнашган жумлалар: