борди-келди

1. Бир-бириникига бориб-келиб туриш, бориш-келиш, ўзаро яқин алоқа.

1. Кейин-кейин оилавий борди-келдига ҳам ўтдилар, эски гиналар унут бўлди. Э. Аъзамов, Жавоб

2. Икки томон — ота-оналаримиз орасида борди-келди бошланиб кетди. П. Турсун, Ўқитувчи

3. Ўша вақтларда Зокир Фаридани унутиш учун Лола билан борди-келди қила бошлаган эди. Очил буни кўриб, тутаб кетди. П. Қодиров, Уч илдиз

2. Бирор манзилга бориб, ундан қайтиб келишгача бўлган масофа.

1. Ҳозир борамиз, борди-келдиси машинада бир ярим соатлик йўл. А. Қаҳҳор, Асарлар

3. кўчма Турмушда учраб турадиган майда-чуйда, икир-чикир ташвишлар, машаққатлар.

1. Эргаш ҳали гўдак эди, дунёнинг борди-келдисини билмас эди. П. Турсун, Ўқитувчи

2. Юнусали ота шу кунгача уларнинг борди-келди гапларига аралашмай, чидаб келарди. С. Аҳмад, Уфқ