бута

1. Дарахтнинг кераксиз шох-шаббаларини кесмоқ.

1. Бутамасанг —мева оз, Бутасанг — ейсан қиш-у ёз. Мақол

2. Сидиқжон шитоб билан дарахт бутар экан, Канизакни излаб, атрофга кўз ташлади. А. Қаҳҳор, Қўшчинор чироқлари

3. Нурхон нарвонга миниб, тут бутамоқда. О. Ёқубов, Ларза

2. кўчма Кесмоқ, ўлдирмоқ.

1. Бой катта бошини кичик қилиб чиққанда, ўйлаб ўтирмасдан, қўлидаги даскалла билан шартта ўша бошни бутаб ташлабди. М. М. Дўст, Лолазор

2. Тоғай унинг башарасига тикилиб тураркан, кўнглида шу истакни туйди: қани энди бу сурбетни бутаб ташласа Ёшлик

3. Кийинтирмоқ, устини бут қилмоқ.

1. Икки-уч кун ичида усти-бошини айтганингиздек бутаб қўяман. П. Турсун, Ўқитувчи

2. сон-саноқда йўқ кишиларга йил ўн икки ой овқат едириб, уст-бошини бутаб, кийим-кечак берамиз М. Ўринхўжаев, Унутилмас кунлар