чирқилла
билан улашинг
1. Чирқ-чирқ овоз чиқармоқ.
-
Ғор олдидан ўтиб кетаётсам, бир гала чумчуқ чирқиллаб ётипти. А. Кўчимов, Ҳалқа
-
Тик жарга ин қуриб, чирқиллашиб ётган минг хил қушларнинг уни ўчиб, ўзи гурра кўтарилди. М. Мансуров, Ёмби
2. Қаттиқ қичқириб, чинқириб йиғламоқ (ёш бола ҳақида).
-
— Мана сенга тепиш! — Карим қўлидаги думалоқланган қорни кучининг борича отди. Саида юзини чангаллаганича чирқиллаб қолди. Ёшлик
3. кўчма Зорланиб, илтижо қилиб ёки куйиниб гапирмоқ.
-
— Яхши кўрасан деб, атай манти қилаётган эдим. Бир оз шошма, еб кет, — деб чирқиллаганича қолди она. М. Алавия, Севинчларим
-
Орадан озгина вақт ўтгач Жўравойнинг ўзи ва унга ҳамдардликда чирқиллаб, одамларни ёрдамга чақираётган бир хотин қолди, холос. Ёшлик
4. кўчма Моддий муҳтож, оч ҳолатда бўлмоқ; қарам бўлмоқ.
-
Уйимда саккизта бола чирқиллаб турипти, қандай боқаман уларни? Х. Тўхтабоев, Йиллар ва йўллар
чирқилла сўзи қатнашган жумлалар:
Арвоҳи (ёки руҳи) чирқилламоқ
-
Тушига раҳматли Биноқул кирибди: қўлларини фотиҳага очиб турган эмиш. Арвоҳи чирқиллаб юрибдимикан? дея эзилди Ҳофиз Кўйкий. Ёшлик
-
Шўрлик Адолатимнинг руҳи чирқиллаб ётгандир менинг бу ишимдан?! О. Мухтор, Эгилган бош
ЧИРҚИЛЛА сўзининг синонимларини Sinonim.uz сайтида қидириб кўринг.
CHIRQILLA сўзининг лотинча ёзилиши Lotin.uz сайти томонидан тақдим қилинган.
чирқилла сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
