идеал

1. от Жамиятнинг, шахснинг энг олий мақсади, энг юксак орзу ва тилак.

1. Идеал — жамиятнинг юксак ва олижаноб мақсади, келажакда кўзланган ғояси. Газетадан

2. Ижтимоий идеал мисоли маёқ бўлиб, жамият қаёққа ва қандай мақсадда қадам отишида ғоявий-мафкуравий ва маънавий-руҳий йўл кўрсатиб туриши мумкин. Газетадан

2. от Ҳар жиҳатдан баркамол, мукаммал, хаёлан орзу қилинадиган, лекин ҳали ҳаётда мавжуд бўлмаган нарса, ҳодиса.

1. Унинг идеали — ёқтирган қизини ўз таъсирига олиб, ўз қадрини ерга урмай севилмоқ эди. П. Қодиров, Уч илдиз

3. сифатдош Олижаноб, намуна бўладиган, орзу-мақсадга мос, мувофиқ келувчи.

1. Идеал образ. Идеал шароит.

2. Маънавият қаҳрамони бўлгани туфайли у халқнинг идеал қаҳрамонига айланди. Газетадан