кеча

1. Сутканинг қоронғи тушгандан тонг отгунча ўтадиган қисми; тун.

1. Ойдин кеча. Қоронғи кеча,

2. — Ойимни бир ойдан бери кўрганим йўқ. Бир кеча ёнида ётишни орзу қиламан, — деди енгилланиб Нури. Ойбек, Танланган асарлар

3. Сидиқжон йўлга тушиш нияти борлигини айтмаса ҳам, чол бу кеча шу ерда қолишни, эрта саҳар йўлга чиқишни маслаҳат берди. А. Қаҳҳор, Қўшчинор чироқлари

2. Бирор нарсага бағишланган, одатда расмий ва бадиий қисмдан иборат бўладиган кечки умумий йиғилиш.

1. Меҳмонлар билан вакилларнинг қизғин табриклари, хайрли тилакларидан кейин кечанинг расмий қисми тугади. П. Турсун, Ўқитувчи

2. Кеча охирида Ўзбекистон санъат усталари катта концерт қўйиб беришди. Газетадан

3. Бугундан олдинги кун.

1. Кеча сизни кутган эдим.

2. Кеча эрталаб, шаҳарни бир айланиб келайин, деб чиқиб кетган. А. Қодирий, Ўтган кунлар