кўрин
билан улашинг
1. Кўрмоқ феълининг ўзлик нисбати.
-
Шаҳар узоқдан кўриниб турибди. Шу кунларда нега кам кўринасиз?
-
Бояги совчилар бу фавқулодда муомалани кўринган бировга достон қилиб ўқийдилар. А. Қодирий, Ўтган кунлар
-
Бу Канизакнинг унга қиладиган ҳар бир муомаласидан очиқ-ойдин кўриниб турса ҳам бунга ҳеч ким аҳамият бермас эди. А. Қаҳҳор, Қўшчинор чироқлари
2. Кўз олдида намоён бўлмоқ, пайдо бўлмоқ.
-
Остонада Қора Аҳмад кўринди. Ойбек, Танланган асарлар
3. Тасаввур қилинмоқ, туюлмоқ; ўхшаб кетмоқ.
-
Она Норматнинг бўйига тикилиб қаради. Кечагина мактабга қатнаб юрган бола бугун онанинг кўзига шер йигит бўлиб кўринди. И. Раҳим, Чин муҳаббат
-
Авваллари бу иш [самоварчилик] ҳаммага бирам эриш кўринди, бирам ғалати туюлдики, болам бечора Аброр номусларга ўлди. А. Қаҳҳор, Асрор бобо
-
Ёдгорнинг назарида уй янаям совиб кетгандек кўринди. Ў. Ҳошимов, Қалбингга қулоқ сол
4. Ўзини шифокорга кўрсатмоқ, шифокор кўрувидан ўтмоқ.
-
Биз унинг бетоб бўлганини эшитиб, кўргани бордик докторга кўринганми, йўқми, сўрадик. М. Исмоилий, Инсон ҳусни
кўрин сўзи қатнашган жумлалар:
Кўзга кўринмоқ
-
Шу савол бошига келганда, кўзига тўсатдан Канизак кўриниб, Сидиқжоннинг юраги ўйнаб кетди. А. Қаҳҳор, Қўшчинор чироқлари
-
Кўзга кўринган олим.
-
Менинг ҳам болам одам бўлди, кўзга кўринди. Ёдгор. Ҳарбий тўнтарилишнинг биринчи кунларидаёқ кўзга кўринган бир неча артист, режиссёр, оператор ва актёрлар ҳалок бўлди. Газетадан
Кўзига ҳеч нарса кўринмайди
-
Раҳимбердининг асаблари ўт бўлиб ёнди, кўзларига ҳеч нарса кўринмади. Х. Тўхтабоев, Фелетондан сўнг
-
Мансурнинг ўзи эмасмиди, кунора хатингизни олмасам, ҳеч нима кўзимга кўринмайди, деган? Ў. Ҳошимов, Қалбингга қулоқ сол
КЎРИН сўзининг синонимларини Sinonim.uz сайтида қидириб кўринг.
KO‘RIN сўзининг лотинча ёзилиши Lotin.uz сайти томонидан тақдим қилинган.
кўрин сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
