мудра

1. Мудроқ босиб, ярим уйғоқ, ярим уйқу ҳолатида бўлмоқ.

1. Чиғир ёнида мудраб ўтирган чўри унинг овозидан чўчиб уйғониб, йўлига чиқди. Ж. Шарипов, Хоразм

2. Шерали шу ҳаяжон ичида мудраб, ниҳоят, ширингина уйқуга кетганини ҳам билмай қолди. С. Кароматов, Олтин қум

2. кўчма Ҳаракатсиз, тинч ҳолатда бўлмоқ (нарсалар ҳақида).

1. Дарахтлар ҳордиқ чиқаргандай бошини солиб, тонг нурларига кўмилган ҳолда мудрамоқда. Шарқ юлдузи

2. Тагидаги отнинг шўх қадам олиши ва соғлом бир қудрат билан ўйноқлаши Бобурнинг аъзоларида анчадан бери мудраб ётган ёшлик кучларини уйғотгандай бўларди. П. Қодиров, Юлдузли тунлар