ном
билан улашинг
1. Шахс ёки нарса-предметларга қўйилган от; исм.
-
Шаҳар номлари. Ном қўймоқ. Ном бермоқ.
-
Кексайиб қолган эшоннинг хотираси анча пасайганидан кўп вақт ўз ўғилларининг номларини ҳам хотинидан сўраб олар эди. П. Турсун, Ўқитувчи
2. Бирор соҳага, гуруҳга оидликни билдирувчи атама.
-
Мансур, Муслим! Сенга бир гап бўлдими? Муаллим деган номимиз бор, шундай вақтда иш кўрсатмасак, қачон кўрсатамиз?! 3. Саид, Н. Сафаров, Тарих тилга кирди
3. Фаолиятнинг бирор соҳасида эришган ютуқ, малака даражасини кўрсатиш учун расмий йўл билан бериладиган унвон.
-
Фахрий ном. Хизмат кўрсатган артист деган ном. Классик кураш бўйича мамлакат чемпиони деган ном.
4. Кўпчилик орасида маълум-машҳурлик; донг, довруқ, шуҳрат.
-
Номи чиққан курашчи. Ном чиқарган жамоа хўжалиги.
-
Очил Эшназар Сиёб волостининг Қўштамғали қишлоғида ном чиқарган шахс эди. М. Ўринхўжаев, Унутилмас кунлар
ном сўзи қатнашган жумлалар:
Номи билан
-
Ўзбекистон номи билан.
Номига
-
Номига чойхона.
-
Айрим туманларда маккажўхори номигагина экилаётганга ўхшайди, акс ҳолда, ер бўш ётмасин деб дон сочиб, кейин ўз ҳолига ташлаб қўйилмас эди. Газетадан
-
Ҳури, олдин номига бир оз кўнмай турар, кейин мажбуран бораётгандай, юзига қайғули ифода бериб чиқиб кетарди. Ф. Мусажонов, Ҳури
Номидан
-
Жамоа номидан ташаккур билдирмоқ. Ўз номидан табрикламоқ.
НОМ сўзининг синонимларини Sinonim.uz сайтида қидириб кўринг.
NOM сўзининг лотинча ёзилиши Lotin.uz сайти томонидан тақдим қилинган.
ном сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
