протокол

1. эскирган

1. Мажлис протоколи

2. Сергей кабинетда ёлғиз қолиб, кейинги кунлардаги сўроқ протоколларини шошмасдан, бирма-бир варақлади. Ҳ. Ғулом, Машъал

3. Эшонбоев деканнинг бетараф қолиш сабабини протоколга яхшилаб ёзиб қўйди. П. Қодиров, Уч илдиз

2. Мансабдор шахс томонидан тузилган ва бирор воқеа-ҳодиса ёки ҳолатни тасдиқловчи ҳужжат.

1. Экспертларнинг протоколи.

2. Маҳаллий терговчининг тергов протоколи билан ҳарбий суд прокурорининг айблаш қоғози топширилган вақтида, у бошқа катта ишни олиш тўғрисида ўзига ўхшаган бир киши билан гаплашиб ўтирган эди. Чўлпон, Кеча ва кундуз

3. Жамоат тартиби ва қонунчиликни бузганлик ҳақида тузилган далолатнома.

1. Автоинспекция протоколи.

4. Халқаро конференцияларнинг халқаро шартнома, битим кучига эга бўлган қарори.

1. Савдо муносабатлари ҳақидаги протокол.

2. Давлат ва ижтимоий қурилиш академиясида иқтисодий таълимни ташкил этиш тўғрисида протокол ҳамда бошқа ҳужжатлар ва битимлар имзоланди. Газетадан

5. дип. Турли дипломатик ҳужжатларни амалга ошириш тартибини бошқариб турувчи қоидалар мажмуи.