қалпоқ
билан улашинг
1. Юпқа наматдан қилинган бош кийими.
-
Бахмал жиякли оқ қалпоқ.
-
У эгнига брезент чакмон, бошига оқ на-мат қалпоқ кийган. Ҳ. Назир, Сўнмас чақмоқлар
2. Ҳар қандай тўқима ёки матодан тикилган бош кийим.
-
Болалар қалпоғи. Похол қалпоқ.
-
Ошпаз оқ қалпоғини пешонасидан юқори кўтарди. Шуҳрат, Шинелли йиллар
-
Таманно эртасига магазиндан шалвар, офтобдан яхши сақлайдиган оқ қалпоқ сотиб олди. Мирмуҳсин, Қумри ва Таманно
-
Дарвоза олдида бошига учли қалпоқ кийган давангирдай қаландар турарди. С. Сиёев, Ёруғлик
3. сўзлашув тили Каска.
-
Мис қалпоқ. Пўлат қалпоқ.
-
Асқар полвон ҳансираб ва бошидан каскасини олиб, ерга тўнтарди: манглайни эзиб юборди бу чўян қалпоқ! Ойбек, Қуёш қораймас
4. шева Дўппи, каллапўш.
5. Нарсалар устини қоплаб, беркитиб турадиган соябон ёки қопқоқ.
-
Шипга осиғлиқ қирқинчи чироқнинг қалпоғи уй деворларининг тепа ёғига чўзиқ соя солган. Ҳ. Ғулом, Машъал
6. Бирор нарсанинг қалпоқли қисми, каллаги; каллак.
-
Мих қалпоғи. Замбуруғ қалпоғи.
қалпоқ сўзи қатнашган жумлалар:
Қалпоқ қилиб киймоқ
-
— Ишни қалпоқ қилиб кийиб қўямиз, — дея жавоб қайтардик. Х. Тўхтабоев, Ширин қовунлар мамлакати
-
Ўртоқ Солибоев кўзбўямачиликни қалпоқ қилиб кийиб юрган кунлардан бирида митинг бўлиб қолди. Муштум
ҚАЛПОҚ сўзининг синонимларини Sinonim.uz сайтида қидириб кўринг.
QALPOQ сўзининг лотинча ёзилиши Lotin.uz сайти томонидан тақдим қилинган.
қалпоқ сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
