қип-қизил

1. Жуда қизил, чўғдай қизил.

1. Қип-қизил қон. Қип-қизил олма. Қип-қизил гилам.

2. Жарнинг ҳар иккала ён-бошини қип-қизил лолалар гиламдек қопланган. Ҳ. Ғулом, Машъал

3. Эшикни икки юзи қип-қизил бир жувон очди. Шуҳрат, Шинелли йиллар

2. кўчма С. т. Бутунлай, мутлақо, ғирт. Қип-қизил саводсиз. Қип-қизил туҳмат.

1. Деҳқон қип-қизил яланғоч, аҳволи танг. Ойбек, Танланган асарлар

2. Қип-қизил жинни, овсар экансан! Ҳамза, Паранжи сирлари

3. Бу гапни юрт эшитса, сизни қип-қизил ўғри дейди. Ҳ. Ғулом, Машъал

4. Деҳқон карамни шошиб пуллади-да, машинага чопди. Келса, Фозил қип-қизил маст ўтирибди. С. Зуннунова, Одамлар орасида