Izoh.uz сайтида қури сўзининг изоҳи ва маънолари

қури

Сўзни дўстлар
билан улашинг

феъл

1. Суви тугамоқ (сув объектлари ҳақида).

Орол денгизи қуриб бормоқда. Яхши сўздан мой эрийди, Ёмон сўздан сой қурийди. Мақол
Ёзда чашма қуриб кетди Гулнорпари

2. зид. Ривожланиш, кўкаришдан тўхтамоқ; кўкармоқ.

Экилган кўчатларнинг баъзилари қурияпти. Қуриган гул. Майсалар сув-сизликдан қуриди. Яшин урган сада қурий бошлади. Чинор чиримас, арча қуримас. Мақол
[Йўлчи] Экини қуриб қақраган кам-бағал деҳқонларга дўқ қилиб, ғалва кўтаришдан нафратланар эди. Ойбек, Танланган асарлар
Мажнунтолнинг қуриб тушган шохлари ҳовуз бўйида ивирсиб ётар эди. М. Исмоилий, Фарғона тонг отгунча.
кўчани кесиб ўтган кичкина ариқ лабидаги ярми қуриган катта тол панасига ўзини олди. С. Зуннунова, Кўк чироқлар

3. Бутунлай тугамоқ, йўқ бўлмоқ; битмоқ.

Мушукка қанот битса, сичқон зоти қурийди. Мақол
Лутфулланинг кулбаси қуриб, қўлга илинадиган ҳеч нарса қолмади. Мирмуҳсин, Ғурбатдаги одам
Агар қишлоқда орияти бутун эркакнинг уруғи қуриб кетган бўлса, мана, ўзим гаплашаман сен билан. Н. Норқобилов, Тўқнашув

қури сўзи қатнашган жумлалар:

Ҳўл, намликдан холи бўлмоқ, қуруқ ҳолга келмоқ (

Ҳўл бўлган кийимлари офтобда тез қуриди. Арралаб, ёриб, тахлаб қўйилган ўтинлар яхши қуриди.
Ғуломжонлар офтобда қуриб, тахта оралари катта очилиб қолган бир табақали эшикни тақиллатишди. М. Исмоилий, Фарғона тонг отгунча.
Ипга чизилган жамбиллар қуриб, қовжираб қолган эди. С. Зуннунова, Олов
Қўлтиғидан қоғозга ўралган, қуриб толқонланган носини олиб, тил остига отди. Ойбек, Қуёш қораймас

айнан Қуруқшамоқ.

Оғзи қуримоқ.
Гапирай деса, оғзи очилмайди, лаблари қуриб, бир-бирига ёпишиб қолгандай. Шарқ юлдузи
Оғриб қолди унинг нозик беллари, Ҳофизларнинг қуриб қолди тиллари. Маликайи айёр

Ёстиғи қуримоқ

Бирор ҳодиса, сабаб туфайли ҳаётдан кўз юммоқ; ўлмоқ (одатда кўпчиликка келган ўлимга нисбатан қўлланади).

Шундоқ ҳам кўп одамларнинг ёстиғи қуриди. Ёшлик

Илиги қуримоқ

айнан Илиги пучаймоқ.

Ичи қуримоқ

Бирор нарсанинг бўлишини, унга эришишни, билишни жуда-жуда истамоқ, уни сабрсизлик билан кутмоқ.

Лекин ўзининг ичи қуриб, ёш боладай қувонгиси, қувониб, бутун Далварзинтепага овоза қилгиси келар эди. М. Мансуров, Ёмби
Ичим қуримаса, айтарман кимлигини. Миркомилга алоқадор гап бу. М. Мансуров, Ёмби

Шўри қуриди

Қуриб қолибдими (ёки қолганми)

ёки ? қуриб кетибдими (кетганми)? Бошқаси йўқми, топилмайдими, топилмай қолдими?

[Хотин:] Худо кўтарсин сен мегажинни! Иккита болам бор! Бўйдоқ йигит қуриб кетганмиди? А. Қаҳҳор, Майиз емаган хотин
Отам билан онамнинг ризоликлари учун шундан бошқа сабаб қуриб қолганига нима дейишимни ҳам билмайман. А. Қодирий, Ўтган кунлар

Қурсин ёки қуриб кетсин

қарғиш Ўлсин, йўқ бўлсин.

Менга тенгқур бўлолмайсан, Кўнглигинанг қуриб кетсин. Пўлкан
Қуриб кетгур шу ўтиннинг тутуни бирам аччиқ эканки! А. Қаҳҳор, Асрор бобо

ҚУРИ сўзининг синонимларини Sinonim.uz сайтида қидириб кўринг.

QURI сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

4333

Сўзнинг тескари ёзилиши

ируқ

Ҳарфлар сони

Кўришлар сони

273

қури сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

абрў Юпитер Шердор Еврокомиссия аълочилик аччиқтош Беҳбудий Бундестаг Минорайи Калон

қури сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, қури сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар