шумшук

1. Қилмиши, ёмон хатти-ҳаракати билан кишига хунук кўриниб қолган, ёқимсиз ҳолатга тушган; ёқимсиз.

1. Мендан ҳеч ким хабар олмай қўйди. Ҳаммага шумшук кўриниб қолдим. Ғ. Ғулом, Тирилган мурда

2. Вали бултур чўлдан берухсат жўнагани, тўғрироғи, қочворгани маълум бўлгач, таниш-билишлари олдида шумшук бўлиб, ўз районига сиғмай қолган. Ҳ. Назир, Ўтлар туташганда

3. Тўнсиз карахт бўлиб келган Муқимий қайнана кўзига жуда шумшук кўринган эди. С. Абдулла, Мавлоно Муқимий

2. Шундай ҳолатга нисбатан ҳақоратни билдиради.

1. — Э, шумшук, Домла-имом оч қолса, бозор кезади, сўфи оч қолса, мозор кезади, деган мақолни эшитганмисан? — деди мулла Мамасолиҳ Ҳудҳуд сўфига. Н. Мақсудий, Лайлатулқадр