талон

Ўзганинг мулкини талаб тортиб олиш; талаш.

1. Агар биронтамизнинг қуроғимиз узилса, чуввос кўтарамиз. Айниқса, узилган қуроқ бошқа маҳалладан бўлса, мен ва ўртоқларим у тушар-тушмас талашиб-тортишиб, талон қилиб олишга шошиламиз. Ойбек, Болалик

2. Кўрди кўп зилзила, селни, тошқинни, Кўрди кўп талонни, кўрди босқинни. А. Обиджон, Кетмагил

1. Бирор нарсани олиш, бирор жойга кириш ҳуқуқини берадиган назорат варақчаси.

1. Бензин талони.

2. Ҳужжат (чек, ордер ва шу кабиларнинг) ажратиб олинадиган ёки аксинча, у ажратиб олингач, дафтарда қолдириладиган қисми, дубликати.