тирмизак

1. кест. Ҳали қўлидан бирор иш келмайдиган, турмушнинг оғир-енгилини кўрмаган шахс маъносида қўлланади.

1. Сен мен айтадиган ашулага ҳам чанг солдингми, индамаган сари бошимга чиқиб олмоқчимисан ҳали тирмизак. С. Кароматов, Ҳижрон

2. Ҳамма йигитлар урушга кетди. Далада хотинлар-у қарилар, тирмизакдай бўлиб биз, болалар, ишлаганмиз. С. Анорбоев, Оқсой

2. Шўх болаларга нисбатан шумтака, тирранча каби маъноларда ишлатиладиган ундалма.

1. Ҳой, омон бўлгурлар, буларни [болаларни] қаердан топдинглар? Қидирмаган жойим қолмади-я! Ҳа, тирмизаклар! П. Қодиров, Қалбдаги қуёш

2. Мабодо биронта бола томдаги каптарга тош отса, шиферни тешасан, тирмизак, деб уйигача қувиб боради. С. Аҳмад, Чўл шамоллари