тизза
билан улашинг
1. анат. Оёқнинг букиладиган, боддир билан сон қўшиладиган жойи.
-
Ҳаёт келинчакларча, бир оёғини йиғиштириб, иккинчи оёғини тиззасидан букиб ўтирди. М. Исмоилий, Фарғона тонг отгунча
-
Мана, маст ҳолда Тожибой тўппа-тўғри Гулсумнинг эшигига келди-да, занжири илинмаган эшикни тизза билан бир итариб, тўғри ичкарига кирди. П. Турсун, Ўқитувчи
2. Иштон, шим ва шу кабилар кийимларнинг тизни қоплаб турадиган, тиззага тўғри келадиган қисми.
-
Иштони йўқ тиззаси йиртиққа кулар. Мақол
-
Тиззалари титилиб кетган эски тиринка шимининг почаларидан сув сирқиб оқар чит кўйлаги шалаббо бўлиб, бадан-баданларига ёпишиб қолган эди. Н. Фозилов, Дийдор
-
Ҳа, мулла Ғулом, тиззаларингиз тупроқ, намозни ерда ўқидингизми? М. Исмоилий, Фарғона тонг отгунча
3. Оёқнинг тиздан думбагача бўлган қис-ми (ўтирган ҳолатда).
-
Йўлчи ўтиргач, Шокир отанинг етим набираларини тиззасига олиб, ўпиб, узумдан икки бошини уларнинг қўлига тутқазди. Ойбек, Танланган асарлар
-
Зулфиқор устодга яқин ўтириб, қўйнидан кенг ва қалингина дафтарни олиб, тиззасига қўйди. Мирмуҳсин, Меъмор
-
Саодатхоннинг игна ушлаган қўллари беихтиёр тиззаси устига тушди. С. Зуннунова, Янги директор
тизза сўзи қатнашган жумлалар:
Тизза чўкмоқ
-
Тизза чўкиб ўтирмоқ.
-
Тизза чўкиб ташриф этдилар Ўйинга шўх раққоса қизлар. Э. Раҳим
ТИЗЗА сўзининг синонимларини Sinonim.uz сайтида қидириб кўринг.
TIZZA сўзининг лотинча ёзилиши Lotin.uz сайти томонидан тақдим қилинган.
тизза сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
