тоқ

1. Иккига бўлинмайдиган, жуфт бўлмаган (бутун сонлар ҳақида.); жуфтлаб санашда охири жуфт чиқмайдиган, бир дона ортиб қоладиган.

1. Тоқ сон. Ёнғоқ ток чиқди. Жуфтми-тоқ ўйнамоқ.

2. Юпун дастурхондаги ток нонлар яқинда бу уйдан ўлик чиққанини кўрсатарди. С. Сиёев, Аваз

2. Жуфти, шериги, тоқаси бўлмаган; жуфтсиз, ёлғиз.

1. Совға деган тоқ бўлмайди.

2. Кейинги йили Бозорнинг деҳқончилик ишлари бурунгидай авж олмади, чунки ҳўкизи тоқ, ўзи ёлғиз. С. Айний, Дохунда

3. Хотинсиз ёки эрсиз.

1. Дунёдан тоқ ўтмоқ.

2. Ижозат беринг, бир жононни ўзим топаман, шунча давлат билан ток ўти-расизми! Ойбек, Улуғ йўл

1. 1 Эшик ва биноларнинг тепасидаги ярим доира шаклида ишланган қисми; арка.

1. Тимга кираверишдаги токнинг икки томонида шойи чопон кийган, симобий салла ўраган саррофлар олдиларидаги баркашга тангаларни уйиб ўтирар эдилар. М. Осим, Элчилар

2. айн. Гумбаз.

1. Сирли осмон тоқига илк Қўйди нарвон ўзбегим. Э. Воҳидов.

2. [Навоий:] Гулимнинг қабрига эккан чечаклар, Очилгандур бу чоқ оҳим чечаклар Каби кўк тоқига чирмашмасинму?! Уйғун ва И. Султон, Алишер Навоий

тоқ сўзи қатнашган жумлалар:

с. т. Айн. тавқи лаънат

1. [Босқинчилар] Шу даражада сурбет бўлиб кетганки, токи лаънатни бўйнига илиб қўйсангиз ҳам, у иблислар қутуриб, ўз билганларидан қолмаётир. Мирмуҳсин, Ҳаёт кушандалари талвасаси