яқинлаш
билан улашинг
1. Бирор кимса ёки нарса яқинига бормоқ ёки келмоқ.
-
Тоққа яқинлашмоқ. Шаҳарга яқинлашиб қолдик.
-
Зайнаб ҳам кулумсираган ҳолда Кумушга яқинлашиб келди. А. Қодирий, Ўтган кунлар
-
У шундай ўйчан, паришон ҳолатда булоққа яқинлашди. М. Исмоилий, Фарғона тонг отгунча
-
Отлар турган жойга яқинлашганда, отларга қоровуллик қилиб турган икки одам ҳам кўринди. С. Айний, Қуллар
2. Бирор иш, ҳодиса ёки воқеанинг юз беришига оз вақт қолмоқ, вақт жиҳатидан яқин келмоқ.
-
Янги йил яқинлашиб қолди.
-
Вақт хуфтонга яқинлашган эди. А. Қодирий, Ўтган кунлар
-
Даҳшатли минутлар нафас сари яқинлашиб қолмоқда эди. М. Исмоилий, Фарғона тонг отгунча
3. Миқдор билдирувчи сўзлардан кейин келиб, ўша миқдорга етишга озгина фурсат қолганлигини билдиради.
-
[Олимжоннинг] Ёши олтмишга яқинлашган бўлса ҳам, одамлар элликдан ортиқ беролмайди. Ойбек, Танланган асарлар
-
Мана, институтни битириб, шу қишлоққа келиб ишлай бошлаганига уч йилга яқинлашди. С. Анорбоев, Оқсой
4. Дўстона, яқин муносабатда бўлмоқ, дўстлашмоқ.
-
Сержант Сакен Рамзатовнинг қиз билан яқинлашиб қолиши унинг ғашини келтирди. А. Муҳиддин, Ҳ. Тожибоев, Оташ қалбли қиз
яқинлаш сўзи қатнашган жумлалар:
Ой-куни яқинлашмоқ
-
Ғанижон хотини ҳомиладор бўлганда ҳам, болани кўтариб юрганда ҳам, ой-куни яқинлашиб қолганда ҳам, бунга қишлоқда ҳар куни, ҳар ерда бўлаётган ва бўладиган ҳодиса деб қараган эди. А. Қаҳҳор, Каравот
ЯҚИНЛАШ сўзининг синонимларини Sinonim.uz сайтида қидириб кўринг.
YAQINLASH сўзининг лотинча ёзилиши Lotin.uz сайти томонидан тақдим қилинган.
яқинлаш сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар