яшна
билан улашинг
1. Барқ уриб ўсмоқ, гулламоқ, гули очилмоқ.
-
Олдин экилган ғўзаларимиз эса кун сайин яшнаяпти. Р. Азизхўжаев, Яшил чайла
-
Юз очмиш, яшнамиш сумбул ва лола. Ғайратий
2. Ўзига тортадиган гўзал ҳолга келмоқ; ёрқинлик, кўркамлик касб этмоқ; гўзаллашмоқ.
-
Баҳор келиши билан дала яшнар.
-
Эл келтириб ёйди пойандоз, Яшнаб кетди ҳовуз бўйлари. Э. Раҳим
-
Гулнорнинг бўйи ўсиб, кўкраги тўлишиб, бутун гавдаси қизлик латофати билан яшнаган чоғда, бойвачча уни кўз тагига олиб қўйган эди. Ойбек, Танланган асарлар
-
У [Асрора] кирган уй яшнаб кетади. С. Аҳмад, Уфқ
3. кўчма Ривож топмоқ, камолга эришмоқ; авж олмоқ.
-
[Йўлчи:] Халқ борган сари пачақланаверади, бойлар яшнайверади, негаки илдизи кучимизни сўради-да. Ойбек, Танланган асарлар
-
Одамларда ғайрат ва ташаббус яшнаб кетди. А. Қаҳҳор, Қўшчинор чироқлари
-
Саидийнинг қалбидаги сўна бошлаган муҳаббат чўғи яшнай бошлади. А. Қаҳҳор, Сароб
4. Порлаб, чақнаб, яшнаб кўринмоқ, намоён бўлмоқ.
-
Юлдузлар чароғон бўлиб яшнамоқда.
-
Қўша-қўша гиламлар яшнаган бу уй, Унсин ёлғиз қоларкан, аллақандай совуқ туюлди. Ойбек, Танланган асарлар
5. кўчма Яйрамоқ, ёзилмоқ.
-
Янги турмуш боғларинда Ёш кўнгиллар яшнасин! Ҳамза
-
Ҳар замон бўл билим ўчоғида, Яшнаган маърифат қучоғида. Ғайратий
-
Паранжини ўт-оташга Ташлаганим-ташлаган, Давлат қуши қўнган бошга, Яшнаганим-яшнаган. З. Диёр
ЯШНА сўзининг синонимларини Sinonim.uz сайтида қидириб кўринг.
YASHNA сўзининг лотинча ёзилиши Lotin.uz сайти томонидан тақдим қилинган.
яшна сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар