югурик
билан улашинг
1. Тез югурадиган, чопадиган; чопқир, чопағон.
-
Кепак еган от югурик бўлмас. Мақол
-
Чўлоқ одам учун хизматкорлик қийин, боёқиш Қамбар бу камчиликни билдирмаслик учун югура-югура югурик бўлиб қолганди. Ойбек, Танланган асарлар
-
— Ҳаёт мисли бир югурик дарё, оқади-кетади, сурган кайф-у сафонгиз қолади, — қув кўзларини сузиб илжайди Эшонхон. Ойбек, Улуғ йўл
-
Икков миниб тулпор отти, Чопмоққа ҳаваси кетди, Кимнинг оти югурик, деб. Эрали ва Шерали
2. Илдам, тез ҳаракат қиладиган; чаққон, тез (оёқ, қўл, тил ҳақида).
-
Югурик бармоқлар. Югурик оёқ. Қўл югуриги — ошга, Тил югуриги — бошга. Мақол
-
У [Абдишукур] болалик чоғида дадаси билан бирга янги шаҳарда резавор сотиб юргандаёқ, русчага тили югурик бўлиб қолган эди. Ойбек, Танланган асарлар
югурик сўзи қатнашган жумлалар:
Ақли югурик
-
— Не-не ақли югурик донишлар жон бермаган бу йўлни солгунча — деди бува. Й. Шамшаров, Кўрк меъморлари
ЮГУРИК сўзининг синонимларини Sinonim.uz сайтида қидириб кўринг.
YUGURIK сўзининг лотинча ёзилиши Lotin.uz сайти томонидан тақдим қилинган.
югурик сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар