Izoh.uz сайтида заҳар сўзининг изоҳи ва маънолари

заҳар

Сўзни дўстлар
билан улашинг

сифат

1. Тирик мавжудотни оғулаб емирувчи ёки ўлдирувчи модда, оғу.

Илоннинг заҳари.
Бу аёл — Раззоқ сўфи деган одамнинг қизи, ўз эрига заҳар берган. Чўлпон, Кеча ва кундуз
[Салимбойвачча] Ички чўнтагидан қоғозга ўралган заҳарни олиб, титроқ қўллари билан ошга сепди Ойбек, Танланган асарлар
Қолаверса, илон заҳари фармацевтикада қимматбаҳо хомашё экани ҳам яхши маълум. Фан ва турмуш

2. кўчма Оғу сингари аччиқ, киши ҳаётини оғулайдиган, азобга айлантирадиган нарса, ҳолат.

[Элмурод} Сайфуллага Ҳовлингизда еган-ичганим заҳар эди, энди мактаб-да рангим чиқиб қолди, деб тана қилармиш. П. Турсун, Ўқитувчи

3. кўчма Жаҳл, ғазаб.

Ҳовлида ошқовоқ пўчоқ судраб ўйнаб юрган болани кўриб, [Шарофатнинг] заҳри бир оз тарқалди. А. Қаҳҳор, Қўшчинор чироқлари

4. Қаттиқ зарб, аччиқ оғриқ.

Тикан заҳри учида, душман заҳри ичида. Мақол
От чидамас аччиқ қамчи заҳрига. Гўрўғли

5. сифатдош Кўчма Жуда ҳам аччиқ.

Заҳар овқат. Заҳар тутун.

6. сифатдош Кўчма Кишига найзадек ботадиган, дилга озор берадиган.

Заҳар пичинг. Заҳар тил.
Раис устага ғазаб билан тикилди-ю, заҳар тўла киноя қилди. Ш. Рашидов, Бўрондан кучли

7. сифатдош Кўчма Жаҳлдор, сержаҳл, қаҳр-ғазабли; тили аччиқ ва жиззаки.

— Бай-бай-бай, ўзи жинқарча бўлсаям, шунақа заҳар қизки, худди Зулайҳо опангизга ўхшайди. Ў. Ҳошимов, Қалбингга қулоқ сол
Унинг [Умиднинг] назарида, Шукур Каримович заҳарроқ одам кўринди. Мирмуҳсин, Умид
Бахтга қарши, терговчи ёш бўлса ҳам, сочлари тўкилиб, тепакал бўлиб қолган, тирноқларигача заҳар бир одам экан О. Ёқубов, Излайман

заҳар сўзи қатнашган жумлалар:

Заҳар бўлмоқ

Заҳарга, оғуга айланмоқ, татимаслик.

Яна дардга кўмилди Нисохон боши, Заҳар бўлди бир коса совиган оши. Ғайратий

Заҳар ютмоқ

Аччиқ-алам ютмоқ, азоб чекмоқ, изтироб чекиб қийналмоқ.

Камтар бўл, талтайма, кеккаймагин тик, Дўст учун заҳар ют, ширин жонни тик! Ё. Мирзо, Ўғил меҳри

Заҳар қилмоқ

Заҳарга, оғуга айлантирмоқ, татитмаслик.

Заҳри келмоқ

Аччиғи келмоқ, жаҳли чиқмоқ.

Бунёднинг қаҳри келди, Девнинг ҳам заҳри келди. Ҳ. Олимжон

Заҳар (ёки заҳарини) сочмоқ

Ғазабини тўкиб солмоқ, жаҳл-ғазаб қилиб аламдан чиқмоқ.

Қилғиликни Ўктам қилади-ю, заҳрини менга сочасизми? Ойбек, Олтин водийдан шабадалар
Нега ёнган юрагимга яна сен ҳам заҳар сочасан! А. Қодирий, Ўтган кунлар

Заҳрини ютмоқ

Аччиғини ичига ютмоқ, ғазабини босмоқ.

Оғзинг тўла қон бўлса ҳам, рақибинг олдида тупурма, деганлари эсига тушиб, заҳрини қулт этиб ичига ютди. Шуҳрат, Жаннат қидирганлар
Бек заҳрини ютди. Ҳ. Ғулом, Машъал

Совуқнинг заҳри

Совуқнинг жонни ачитувчи таъсири.

Заҳри қотил

1. Ўлдирадиган заҳар;

2. Ўлгудай аччиқ.

Заҳри қотил дори.

ЗАҲАР сўзининг синонимларини Sinonim.uz сайтида қидириб кўринг.

ZAHAR сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

883

Сўзнинг тескари ёзилиши

раҳаз

Ҳарфлар сони

Кўришлар сони

1667

заҳар сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

абжад аччиқлантир абадият Уран Шекспир абришим абгорлик абгор Беҳбудий

заҳар сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, заҳар сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар