avlod

1. Ota-bobodan qolgan nasl (ajdodga nisbatan).

1. Viz eski qullarning avlodimiz ota-bobolarimiz ozod boʻlgan chogʻlarda oʻzlari uchun qurgan chayladek uylarda tirikchilik qilamiz. S. Ayniy, Qullar

2. Ajdodlar boʻlmagay avlodsiz, Avlodlar ziynati ajdodlar. B. Boyqobilov

2. Ota-bobo va uning nasli; sulola; zot.

1. Temur avlodi.

2. Bobur avlodi.

3. Devonbegilar avlodiga mansub boʻlgan Shernazarboy Islomxoʻjani ich-ichidan yomon koʻrar, azaldan adovati bor edi. J. Sharipov, Xorazm

4. Fisq-fujur uyasi boʻlgan bu oila hammani qoralasa ham, oʻz avlodi boʻlgan ana shu katta boyga aslo til tegizmas edi. P. Tursun, Oʻqituvchi

3. Zamonning maʼlum qismiga mansub odamlar; boʻgʻin.

1. Keksa avlod. Oʻrta avlod. Yosh avlod. Kelgusi avlod.

2. Oʻylaymanki, mana shunday obod va ozod yurtni koʻrganda, nafaqat katta yoshdagi kishilar, balki yosh avlod ham yangi kuch-quvvat oladi, gʻururlanadi. Gazetadan

4. koʻchma Zamonaviy elektron-hisoblash mashinalarining va boshqalar texnik jihozlarning yangilangan, takomillashgan turkumi.

1. Bu apparat kompyuterlarning toʻrtinchi avlodiga mansub.