birma-bir

1. Tartibi, gali bilan, birin-birin, birin-ketin, ketma-ket.

1. Gʻishtlarni birma-bir olishgan edi, oltin toʻla xumning ogʻzi koʻrindi. S. Yunusov, Kutilmagan xazina

2. Manzura opa har bir sinfga kirib, bolalarning tozaligi bormi, kundaligi bormi — birma-bir tekshirib chiqdilar. E. Raimov, Ajab qishloq

3. Safarov ularni kuzatib qaytdi va arizalarni birma-bir koʻzdan kechirdi. A. Qahhor, Asarlar

2. Biror voqea-hodisaning butun tafsiloti bilan, bitta-bitta, bittalab.

1. Elmurod boʻlib oʻtgan suhbatni birma-bir gapirib bermoqchi boʻlib oʻylanib, qogʻozga yozdi. P. Tursun, Oʻqituvchi

3. Har birini alohida-alohida, yakka-yakka, bitta-bittadan, bittalab.

1. Komissiya yosh oʻqituvchilarni birma-bir chaqirib suhbatlashishga va ularning qayerda, qanday vazifada ishlashini belgilab berishga kirishdi. P. Tursun, Oʻqituvchi

2. Axir qirq-ellik xonadonning molini birma-bir uyga eltib berish osonmi? Oydin, Hikoyalar

birma-bir soʻzi qatnashgan jumlalar: