Izoh.uz saytida devor so‘zining izohi va ma’nolari

devor

So‘zni do‘stlar
bilan ulashing

1. Binoning, uyning tomni koʻtarib turuvchi yoki xonalarga ajratuvchi tik koʻtarilgan qismi.

Uy devori. Hujra devori. Yomonga surkansang, dogʻi yuqar, Devorga suyansang — tuprogʻi. Maqol
Devorning sichqoni bor, Sichqonning qulogʻi bor. Maqol
Xonaning shifti va devorlari koʻhsiz, lekin yaltiroq boʻyoqlar bilan boʻyalgan. O. Yoqubov, Er boshiga ish tushsa

2. Biror yerni (bogʻ, hovli, qoʻrgʻon va boshqalar), hududni oʻrab olgan yoki qismlarga ajratib turadigan gʻov, toʻsiq.

Chiy devor. Paxsa devor. Taxta devor.
Eʼzozxon oʻzini devordan otib, xolasinikiga qochib qutuldi. H. Gʻulom, Mashʼal
Bogʻchalarni bir-biridan ayirgan devorlar koʻrinmas, ishkomlar, mevazorlar, ekin dalalari tutash yashil manzara yasaydi. Oybek, Tanlangan asarlar
Devorlar tagida adashib bosh koʻtargan munis maysalar ertaga qor ostida qolishidan bexabar yashnab turardi. Oʻ. Hoshimov, Qalbingga quloq sol

3. Biror narsaning atrofini oʻrab olgan yoki uni boʻlimlarga ajratgan qismi.

Oshqozon devori. Silindr devori.
Hatto qorin devorining chap tomoniga barmoq bilan bosilsa, ogʻriq oʻng tomonda seziladi. H. A. Hakimov, Oʻtkir appenditsit.

4. koʻchma Gap eshitmaydigan, gap taʼsir qilmaydigan; bezbet.

Arzga qulogʻingiz kar, tebranmas bir devorsiz. Guldasta

devor soʻzi qatnashgan jumlalar:

Devor boʻlib qolmoq

Qoʻrqinch yoki hayratdan rangi oqarib, serrayib turmoq.

U [qiz] yigitga tikilib turdi-da, hali shunaqami? deb yuziga bir shapaloq tushirdi. Yigit yuzini ushlagancha devor boʻlib qoldi. U. Nazarov, Birinchi uchrashuv

Devorga gapiryapmanmi?

Gap uqmas yoki birovning gapiga quloq solmaydigan, loqaydlik bilan qaraydigan kishilarga qarata aytiladi.

Devorga tanbur chertganday

Birovning gapi, nasihati eʼtiborsiz qolganda ishlatiladigan ibora.

— Ming marta aytganman bu megajinga, bir nimani tayinlik qilib qoʻygin deb. Qayoqda, devorga tanbur chertganday. A. Muhiddin, Aybsiz aybdor

Devori qiyomat

Hech narsa eshitmaydigan, qulogʻi tamoman bitgan; garang, kar.

Devorning qulogʻi bor

Hushyor boʻlib gapirmoqqa undash.

Bas qil deyman, koʻp gapirma behuda, Devorning ham qulogʻi bor, goʻrsoʻxta! H. Olimjon

Rangi devor boʻlmoq

Rangi oqarmoq yoki kulrang tusga kirmoq (charchoq, qoʻrquv yoki gʻazabdan).

U rangi devor boʻlib, koʻllarini oʻrikka tirab, qaddini rostladi, goʻyo ikki opa-singilga qarashga uyalganday. O. Yoqubov, Er boshiga ish tushsa

Toʻrt devor ichida yashamoq

Tashqi olamdan, jamoatchilikdan ajralgan yoki majburan ajratilgan holda ichkarida qullarcha hayot kechirmoq.

Toʻrt devor ichida yashab ado boʻlayotgan Shahzodaxon bir kuni yuzini parang durra bilan yarim toʻsib, eshik tirqishidan tashqariga moʻraladi. K. Yashin, Hamza

DEVOR so‘zining sinonimlarini Sinonim.uz saytida qidirib ko‘ring.

ДЕВОР so‘zining kirillcha yozilishi Lotin.uz sayti tomonidan taqdim qilingan.

Ro‘yxatga qo‘shish

Saytdagi o‘rni

5868

So‘zning teskari yozilishi

roved

Harflar soni

Ko‘rishlar soni

621

devor so‘ziga yangi izoh qo‘shing

Oldingi 10 ta so‘z

Keyingi 10 ta so‘z

devor so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

achintir aʼyon achimsiq achchiqlan Saturn Nizomiy aberratsion abraziv Shekspir

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida